Solapur Accident News : सोलापूर (Solapur) शहरात पुन्हा एकदा जड वाहतुकीने एका तीन वर्षीय चिमुकल्याचा बळी घेतला आहे. सोलापूरच्या अक्कलकोट रोडवरील वालचंद महाविद्यालय (walchand college) परिसरात ट्रकच्या (truck) चाकाखाली चिमुकला आल्यामुळे त्याचा जागीच मृत्यू झाला आहे. (Breaking Marathi News)

अक्कलकोट तालुक्यातील कर्जाळ गावातील असद अल्ताफ बागवान (Asad Bagwan) असे मृत पावलेल्या बालकाचे नाव आहे. या घटनेमुळे असदचे आजाेबा (सरदार बाबू बागवान) यांनी जागेवरच हंबारडा फाेडला. दरम्यान ही घटना सीसीटीव्हीत कैद (CCTV Camera) झाली आहे. सोलापुरात एकाच आठवड्यातील ही दुसरी घटना घडल्याने नागरिकांमधून (Citizens) संताप व्यक्त केला जात आहे.

सोलापुरात तीन दिवसांपूर्वी छत्रपती संभाजी महाराज (chhatrapati sambhaji maharaj) चौकात जड वाहनाच्या धडकेत एका दहा वर्षाच्या बालकाचा मृत्यू झाला होता. ही घटना ताजी असतानाच ही दुसरी धक्कादायक घटना (incident) घडली आहे. यामुळे सोलापुरातील सिव्हिल रुग्णालयात (Solapur Civil Hospital) नातेवाईकांनी गर्दी करत संताप व्यक्त केला आहे. पोलीस ट्रक चालकाचा शाेध घेताहेत.

Edited By : Siddharth Latkar