Beed Crime News : पुणे शहर आणि परिसरात दहशत माजवणाऱ्या कोयता गँगच्या तिघांना बीडच्या केज तालुक्यात एका वकिलावर हल्ला करताना जेरबंद करण्यात पाेलिसांना यश आले आहे. ही कारवाई बीडच्या केज पोलिसांनी केली आहे. (Maharashtra News)

केज महामार्गावरील जोला शिवारात एका पेट्रोल पंपासमोरून वकील प्रदीप इतापे व त्यांचे मित्र एकनाथ काळे हे दुचाकीवरून केजकडे जात होते. यावेळी दुचाकीवरून पाठीमागून आलेल्या 3 अनोळखी तरुणांनी (youth) त्यांना रस्ता विचारण्याच्या बहाण्याने अडविले. त्यानंतर दुचाकीची चावी काढून घेतली. तसेच, त्यांचे मोबाइलही घेतले व पैशांची मागणी करून त्यांच्यावर कोयते उगारून धाक दाखविला.

अँड. इतापे व काळे यांनी आरडाओरड केली असता जवळच खासगी कामासाठी गेलेले पोलिस कर्मचाऱ्याने हा प्रकार पहिला. त्यांनी तरुणांना पकडण्याचा प्रयत्न केला. त्यात झटापट झाली. घटनास्थळावरील इतर नागरिकांच्या मदतीने वकीलांची सुटका करत पाेलिसांनी तिघांना ताब्यात घेतलं. दरम्यान केज पोलिसांनी पुणे पोलिसांना याविषयीची माहिती दिली असता हीच ती कोयता गॅंग असल्याचं पोलिसांनी स्पष्ट केलं आहे.

Edited By : Siddharth Latkar