Bjp Workers Chaos In Karni sena Program:

मालेगावात भाजपविरोधात होत असलेल्या चिंतन सभेत भाजप कार्यकर्त्यांनी राडा केलाय. सुभाष भामरेंच्याविरोधात करणी सेनेकडून चिंतन सभा घेतली जात होती. मालेगाव तालुक्यातील दाभाडी येथे ही बैठक सुरू होती. भाजप कार्यकर्त्यांनी दिलेल्या माहितीनुसार, करणी सेनेच्या कार्यक्रमाचे आयोजन करण्यात आल्याचं सांगितलं होतं. पंरतु हा कार्यक्रम भाजपचे उमेदवार डॉ. सुभाष भामरे यांचा विरोध करण्यासाठी आयोजित करण्यात आला होता.

लोकसभा निवडणूक २०२४ निष्क्रिय, भ्रष्ट व लबाड खासदार आयात उमेदवार चिंतन बैठक अश्या आशयाचे बॅनर या कार्यक्रमाच्या मंचावर लावण्यात आले होते. लोकसभा निवडणूक २०२४ निष्क्रिय, भ्रष्ट आणि लबाड खासदार आयात उमेदवार चिंतन बैठक अशा आशयाचे बॅनर या कार्यक्रमात लावण्यात आला होता होता. मिळालेल्या माहितीनुसार, करणी सेनेच्या कार्यकर्त्यांनी कार्यक्रमाची कोणतीही परवानगी देण्यात आली नव्हती.

करणी सेनेच्या या बैठकीत धुळ्याचे अनिल गोटे, डॉ.विलास बच्छाव, श्याम सनेर यांच्यासह भाजपचा आणि काँग्रेसचा नाराज गटाचे कार्यकर्ते उपस्थित होते. कार्यक्रमाच्या ठिकाणी राडा झाल्यानंतर घटनास्थळी पोलीस दाखल झाले होते.

करणी सेनेचा कार्यक्रम घेण्यात येणार असल्याचं सांगून भाजपचे उमेदवार डॉ. सुभाष भामरे यांच्या विरोध केला जात होता. त्यांच्या उमेदवारीला विरोध केला जात होता. त्यामुळे आम्ही हस्तक्षेप केला, असं तेथे उपस्थीत असलेल्या भाजप कार्यकर्त्यांनी सांगितलं.