अभिजित देशमुख 
कल्याण : भर रस्त्यात एका महिलेचा पाठलाग करत तिच्या गळ्यातील चैन हिसकावून पळण्याचा (Kalyan) प्रयत्न करणाऱ्या एका चोरट्याला महात्मा पोलिसांनी (Police) नागरिकांच्या मदतीने पकडले. त्याने याआधी देखील चोऱ्या केल्यात का याचा तपास पोलीस करत आहेत. (Maharashtra News)

कल्याण शहर परिसरात २३ जानेवारीला रात्रीच्या सुमारास रामबाग परिसरातून एक महिला पायी चालत जात होती. एक इसम महिलेचा पाठलाग करत होता. संधी मिळताच या इसमाने महिलेच्या गळ्यातील चैन तोडून (Chain Snatching) पळून जाण्याचा प्रयत्न केला. मात्र महिलेने आरडाओरड केला. यामुळे आजूबाजूच्या नागरिकांनी चोरट्याचा पाठलाग करण्यास सुरवात केली.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान नागरिक पाठलाग करत असताना गस्तीवर असलेल्या पोलिसांच्या मदतीने त्याला पकडले. कल्याणच्या महात्मा फुले पोलिसांनी या चोरट्याला ताब्यात घेतलं आहे. पुरुषोत्तम चकोरिया असे या चोरट्याचं नाव आहे. पुरुषोत्तम याने या आधी चोऱ्या केल्यात का? याचा तपास आता महात्मा फुले पोलीस करत आहेत.