अभिजीत देशमुख
कल्याण : कल्याणमधील आग्रा रोडवरील प्रसिद्ध असलेल्या दक्षिण मुखी मारुती मंदिरात चोरी झाल्याचे (Kalyan) समोर आले आहे. यात चोरट्यांनी चांदीची गदा, चांदीचा हार, चांदीच्या छत्रासह दानपेटीतील (Theft) रोकड चोरीला नेली आहे. (Latest Marathi News)

सदर चोरीची घटना आज सकाळच्या सुमारास उघडकीस आली. कल्याणमधील दक्षिण मुखी हनुमान मंदिरातील पुजारी काल रात्रीच्या सुमारास मंदिर बंद करून घरी निघून गेले. मध्यरात्री एक ते पहाटे पाच वाजेच्या दरम्यान अज्ञात चोरट्याने मंदिराच्या मुख्य दरवाजाचा टाळा तोडून मंदिरात प्रवेश केला. मंदिरातील सव्वा किलोची चांदीची गदा, चांदीचा हार, चांदीचे छत्र, चांदीचा मुकुट यासह दानपेटीतील रोकड देखील चोरून नेले. 

सीसीटीव्ही कॅमेरासह डीव्हीआरही चोरला 

चोरट्याने पकडले जाऊ नये, म्हणून या मंदिरातील वायफायचे राऊटर, (CCTV) सीसीटीव्ही कॅमेरासह डीव्हीआर देखील चोरून नेला. या घटनेमुळे परिसरात एकच खळबळ उडाली. घटनेची माहिती मिळताच कल्याण बाजारपेठ पोलिसांनी घटनास्थळी धाव घेत अज्ञात चोरट्याचा शोध सुरू केला आहे.