अभिजित देशमुख 

कल्याण : सिन्नर येथे टोलनाक्याची मनसे कार्यकर्त्यांनी तोडफोड केली. या घटनेनंतर भाजपने मनसेवर टीका केली. टोलनाक्याच्या तोडफोडीच्या घटनेनंतर भाजप आणि मनसेमध्ये (MNS) आरोप प्रत्यारोपाच्या फैरी सुरू आहेत. तर दुसरीकडे (Kalyan) कल्याण ग्रामीण मनसेचे आमदार राजू पाटील यांचा फोटो भाजपच्या एका बॅनरवर असल्याचा फोटो सोशल सोशल मीडियावर व्हायरल झाला आहे. भाजपच्या बॅनरवर मनसे आमदाराचा फोटो झळकल्याने चर्चेला उधाण आले आहे. (Breaking Marathi News)

कल्याण ग्रामीण विधानसभा क्षेत्रातील नवी मुंबई महापालिकेत समाविष्ट करण्यात आल्याची घोषणा करण्यात आली होती. मात्र ही प्रक्रिया लांबणीवर पडली आहे. १४ गावांसाठी निधी मिळवा; यासाठी मनसे आमदार राजू पाटील आणि सर्व पक्षीय विकास समितीने पाठपुरावा केला होता. १४ गावांसाठी भाजपचे कॅबिनेट मंत्री रवींद्र चव्हाण यांनी निधी दिला आहे. त्यामुळे मंत्री चव्हाण यांचे अभिनंदन करण्यासाठी हा बॅनर बनवण्यात आला आहे.

सोशल मीडियावर व्हायरल 

बॅनरवर कल्याण ओबीसी मोर्चा जिल्हाध्यक्ष लक्ष्मण पाटील, चिटणीस गुरुनाथ पाटील (BJP) यांच्या मागणीने आणि आमदार राजुशेठ पाटील (Raju Patil) यांच्या प्रयत्नाने सार्वजनिक बांधकाम विभामार्फत चौदागावातील रस्त्यांना ३२ कोटी रुपये मंजूर केल्याबद्दल रविंद्र चव्हाण (मंत्री - सार्वजनिक बांधकाम, महाराष्ट्र) यांचे जाहीर आभार..! असा मजकूर लिहण्यात आला आहे. सोशल मीडियावर व्हायरल झालेल्या या बॅनरचा फोटो सध्या चर्चेचा विषय ठरलाय