अभिजित देशमुख 
कल्याण : इमारतीमध्ये पार्किंगवरून सुरू असलेल्या वादामुळे आलेल्या मानसिक तणावातून एका होमगार्डने टिटवाळा (Titwala) स्टेशनजवळ रेल्वे ट्रॅकवर लोकल खाली झोकुन देत आत्महत्या केल्याची घटना घडली. भूषण मोरे असे या होमगार्डचे नाव असून तो ठाणे रेल्वे पोलीसमध्ये कार्यरत होता. (Tajya Batmya)

टिटवाळा येथील उमया गलक्सीमध्ये राहणारा भूषण मोरे हा होमगार्ड म्हणून ठाणे रेल्वे पोलीस (Railway Police) मध्ये कार्यरत होता. भूषण राहत असलेल्या इमारतीमध्ये भूषणचे पार्किंग वरून चार जणांसोबत वाद झाले होते. याच वादातून भूषणने काही दिवसांपूर्वी आपली दुचाकी पेटवून दिली. बाईक शेजारील गाडीचे देखील यामध्ये नुकसान झाले होते. या प्रकरणी टिटवाळा पोलीस (Police) ठाण्यात गुन्हा देखील दाखल करण्यात आला होता. या वादामुळे भूषण मानसिक तणावात होता. दरम्यान २९ फेब्रुवारीला सायंकाळच्या सुमारास टिटवाळा रेल्वे स्थानकाजवळ रेल्वे ट्रॅकवर लोकल समोर उडी मारत भूषणने आत्महत्या केली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आत्महत्येपूर्वी लिहली सुसाईड नोट  

घटनेची माहिती मिळताच (Kalyan) कल्याण रेल्वे पोलिस घटनास्थळी पोहचले. भूषणच्या मृतदेहाजवळ सुसाईड नोट आढळली असून या सुसाईड नोटमध्ये भूषण इमारतीमधील चार जणांनी मानसिक त्रास दिल्याने आत्महत्या करत असल्याचे नमूद केले आहे. भूषणच्या कुटुंबीयांनी दिलेल्या तक्रारीनुसार कल्याण रेल्वे पोलिसांनी आत्महत्येस प्रवृत्त केल्याप्रकरणी चार जणांविरोधात गुन्हा दाखल करण्यात आला. याप्रकरणी रेल्वे पोलीस पुढील तपास करत आहेत.