अभिजित देशमुख 
कल्याण : रेल्वे प्लॅटफॉर्मवर गुन्हेगारीचे प्रमाण वाढत चालले आहे. रेल्वे पोलीस तसेच सीसीटीव्ही कॅमेरा असताना देखील याला आला बसत नाही. यामुळे (Railway Police) रेल्वे पोलिसांनी आता आईज अँड ईअर्स उपक्रम सुरु केला आहे. (Kalyan) या उपक्रमात स्टेशन परिसरातील स्टॉल्सवर काम करणारे कर्मचारी, हमाल, सफाई कर्मचारी, रिक्षा चालक यांना सहभागी करण्यात आलंय. हे सर्व आता पोलिसांचे डोळे व कान बनून काम करत आहेत. (Breaking Marathi News)

रेल्वे स्थानक व लोकल ट्रेनमध्ये चोरी, हल्ले, लुटपाट असे गुन्ह्यांचे प्रकार वाढले होते. या गुन्ह्यांना आळा घालण्यासाठी रेल्वेचे पोलीस आयुक्त रवींद्र शिसवे यांनी विविध पथके तयार केली. त्याचप्रमाणे आईज अँड इअर्स म्हणजेच डोळा आणि कान उपक्रम सुरु केला. यात (Railway Station) रेल्वे स्टेशन परिसरातील पोलीस मित्र, स्टॉल्स धारक स्टॉल्सवर काम करणारे कर्मचारी, हमाल, सफाई कामगार, रिक्षाचालक, बूट पॉलिश करणाऱ्यांना आवाहन करण्यात आले. त्यांनी देखील या उपक्रमाला सकारात्मक प्रतिसाद दिला. यांच्यामार्फत स्टेशन परिसरात घडणाऱ्या अनुचित प्रकारांची, गुन्ह्यातील आरोपींची माहिती पोलिसांना मिळत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

४-५ तासातच आरोपी ताब्यात 

स्टेशन परिसरात दिवस- रात्र वावरणारे हे घटक पोलिसांचे डोळे आणि कान बनल्याने गुन्ह्यांना आळा बसला आहे. तर घडलेल्या गुन्ह्यांमधील आरोपींना तत्काळ पकडण्यात पोलिसांना यश मिळते. डोंबिवली रेल्वे पोलीस ठाण्याच्या हद्दीत घडलेली चोरीची घटना व तीन दिवसांपूर्वी झालेला मुख्याध्यापकावर हल्ला या दोन्ही प्रकरणातील आरोपी या उपक्रमामुळे चार- पाच तासातच पकडण्यात यश आल्याची माहिती डोंबिवली पोलीस ठाण्याचे वरिष्ठ पोलीस निरीक्षक किरण उंदरे यांनी दिली. हा उपक्रम आणखी यशस्वीपणे राबवणार असल्याचे वरिष्ठ पोलीस निरीक्षक उंदरे यांनी सांगितले.