संघर्ष गांगुर्डे, साम टीव्ही

कल्याणच्या कोळशेवाडीतून धक्कादायक प्रकार समोर आला आहे. दुकानदार तरुणीला अश्लील मेसेज करून त्रास द्यायचा. त्रासाला वैतागल्यानंतर तरुणीने दुकानदाराला चोप दिला. तरुणीने या दुकानदाराला मारहाण केल्याचा व्हिडिओ सोशल मीडियावर व्हायरल होत आहे. या प्रकरणी कल्याणच्या कोळशेवाडी पोलिसांनी कारवाईला सुरुवात केली आहे.

मिळलेल्या माहितीनुसार, कल्याण कोळशेवाडीत दुकानदार हा दुकानात काम करणाऱ्या कर्मचारी तरुणीला अश्लील मेसेज करायचा. दुकानदाराच्या अश्लील मेसेजला तरुणी वैतागली होती. तरुणीने तिच्या कुटुंबीयांना प्रकार सांगितला. त्यानंतर तरुणी कुटुंबीयांसोबत दुकानात पोहोचली. त्यानंतर त्रस्त तरुणीने दुकानात शिरून दुकानदाराला चोपला.

पीडित तरुणीच्या कुटुंबीयांनी दुकानदाराला चोप देण्यास सांगितलं. तरुणीने दुकानदाराला चपलीने देखील बडलले. त्यानंतर दुकानदाराला तरुणीची माफी मागण्यास भाग पाडले. तरुणीसोबत घडलेल्या प्रकरणानंतर कल्याणमध्ये पुन्हा एकदा महिला सुरक्षेचा प्रश्न ऐरणीवर आला आहे. कल्याण कोळशेवाडी पोलिसांनी या प्रकरणी कारवाईला सुरुवात केली आहे.

व्हायरल व्हिडिओमागचं सत्य काय?

कल्याणमधील या घटनेचा व्हिडिओ सध्या सोशल मीडियावर व्हायरल होतोय. या व्हिडिओमध्ये पीडित तरुणी दुकानदाराला तिच्या चपलेने मारताना दिसतेय. त्यानंतर दुकानदार पाया पडून माफी मागतोय. व्हायरल व्हिडिओ 11 सप्टेंबर रोजीचा असल्याची माहिती मनसेचे पदाधिकारी यांनी दिली आहे.

मिळालेल्या माहितीनुसार, दुकानदार हा दुकानात काम करणाऱ्या तरुणीला अश्लील मेसेज पाठवत होता. तिच्या जवळ येण्याचा प्रयत्न करत होता. तरुणीने हा प्रकार आपल्या कुटुंबीयांना सांगिला.त्यानंतर कुटुंबीय दुकानावर पोहोचले. त्यानंतर त्यांनी दुकानदाराला जाब विचारला. या दरम्यान तरुणीने दुकानदाराला चांगलाच चोप दिला. स्थानिकानी दिलेल्या माहितीनुसार, या दुकानदाराने यापूर्वीही अनेक मुलींसोबत अशा प्रकारचे गैरवर्तन केले आहे. आता या व्हिडीओची दखल घेत पोलिसांनी दुकानदाराला ताब्यात घेतले आहे. आता पुढील तपास पोलीस करत आहेत.