- चेतन व्यास

Wardha News : राष्ट्रीय स्वयंसेवकाचे जिल्हा संघचालक जेठानंद राजपूत (jethanand rajput) यांना मारहाण केल्याच्या निषेर्धात आज (साेमवार) हिंगणघाट बंदचे (Hinganghat Bandh) आवाहन करण्यात आले हाेते. त्यास समिश्र प्रतिसाद मिळाला आहे. दरम्यान या घटनेची चर्चा वर्धा जिल्ह्यात सुरु असून या प्रकरणातील एका युवकास पाेलिसांनी अटक केली आहे. (Maharashtra News)

बसमध्ये सुरु असलेल्या वादात मध्यस्ती केल्याने जेठानंद राजपुत यांना सुमारे आठ ते दहा युवकांनी मारहाण केली. या प्रकरणी पोलिसांनी गुन्हा दाखल करत एकास अटक केली आहे. अन्य संशयितांचा शोध सुरु आहे.

आज हिंगणघाट बंद

या घटनेनंतर हिंदुत्ववादी संघटनांनी आज (साेमवार) हिंगणघाट बंदची हाक दिली होती. त्यानूसार आज सकाळपासून हिंगणघाट येथे बंद आहे. या बंदला समिश्र प्रतिसाद असून पोलिसांचा चोख बंदोबस्त लावण्यात आला आहे.

या घटनेनंतर सोशल मीडियावर काही संदेश व्हायरल करण्यात आले होते. संदेश व्हायरल झाल्याचे कळताच पोलीस अधीक्षकांनी सायबर टीमला हिंगणघाट येथे बोलवत तपासाला सुरवात केली आहे.

तणाव निवळला

नागरिकांनी कोणत्याही अफ़वांना बळी न पडण्याचा आवाहन जिल्हा पोलीस अधीक्षक नुरूल हसन यांनी केले आहे. हिंगणघाटात सध्या तणावाचे वातावरण निवळले असून पोलीस प्रशासन शांततेच आवाहन करत आहे.

Edited By : Siddharth Latkar