जालना : आई– वडिलांच्या लग्नाच्या वाढदिवसाचा केक आणण्यासाठी गेलेल्या तरुणाला नातेवाईकांच्या भाडणात पडण चांगलेच महागात पडले. ही घटणा बदनापूर (Police) पोलीस ठाण्याच्या समोर असलेल्या औरंगाबाद पान सेंटरवर घडलीय. या वादात तरुण गंभीर जखमी झाल्याने त्याला उपचारासाठी छत्रपती संभाजी नगर येथील रुग्णालयात दाखल करण्यात आले आहे. (Tajya Batmya)

शिवम कोल्हे असे या तरुणाचे नाव आहे. आई– वडिलांच्या लग्नाचा (Marriage) वाढदिवस असल्‍याने सोमवारी रात्री केक आणण्यासाठी शिवम हा बदनापूरला गेला होता. केक घेत असताना औरंगाबाद (Aurangabad) पान सेंटरवर पानाच्या ८० रुपयांच्या बिलावरून शिवम यांच्या नातेवाईक आणि पान सेंटरवरील मुलात वाद सुरू होता. यावेळी शिवम मध्यस्थी करण्याची गेला असता या वादात पान सेंटरवरील मुलासह दहा ते पंधरा जणांनी शिवमलाही मारहाण केली.

दरम्यान या घटनेत कुणी तरी धारदार शस्त्राने शिवमवर वार केला. शिवम यांनी या वादातून सुटका करून घेत पोलिस ठाण्यात धाव घेतली. या प्रकरणी शिवम कोल्हे यांच्या तक्रारीवरून धारदार शस्त्राने वार करून गंभीर जखमी केल्या प्रकरणी गुन्हा दाखल करण्यात आला असून सीसीटिव्हीच्या आधारे पोलिस आत्ता हल्ला करणाऱ्या तरुणाचा शोध घेत असून हा संपूर्ण प्रकार सीसीटीव्हीत कैद झाला आहे.