जालना : काही महिन्यापूर्वी बातम्या का लावतो म्हणून पत्रकाराला वाळू माफियाकडून मारहाण झाली होती. त्यानंतर (Jalna News) तलाठ्याकडून शेतातून अवैध वाळू वाहतूक करण्यास विरोध करणाऱ्या शेतकरी तरुणाला धमकीचे प्रकरण ताजे असताना भोकरदन (Bhokardan) तालुक्यातील आंवा गावातील वाळू एजन्ट ला पैसाच्या वादातून वाळू माफियाकडून बेधम मारहाण झाल्याची घटना घडलीय. (Maharashtra News)

वाळू माफियानी भोकरदन शहरातून दुचाकीवर येऊन सार्वजनिक ठिकाणी मारहाण केल्याने सामान्य नागरिकांत दहशद निर्माण झाली. या वादाचा व्हिडिओ एका नागरिकांनी आपल्या मोबाईल कॅमेऱ्यात कैद केल्यानं हा संपूर्ण प्रकार समोर आला आहे. ज्या तरुणाला मारहाण झाली, हा तरुण वाळू विक्री (Valu Mafia) करणारा एजन्ट असल्याची माहिती समोर आलीय. महादू बोराडे असे त्या तरुणाचे नाव आहे. 

गावाच्या वेशीवरच गाठले 
महादू आणि त्याचा मित्र वाळू माफियांना वाळूचे ट्रॅक घेऊन या अस सांगतं आणि रात्री ट्रक आल्यानंतर कमिशनसह पैसे घेऊन मोबाईल बंद करुन गायब होत असत. त्यामुळे संतप्त झालेल्या वाळू माफियाना तो आज गावात असल्याची माहिती मिळाली. अवैध वाहतूक करणाऱ्या सात ते आठ वाळू माफियानी चार ते पाच दुचाकीवरून येऊन आंवा गाव गाठत त्याच्यासह त्याच्या साथीदाराला गावाच्या वेसीवर अडवून पैशाची मागणी करत जबर मारहाण केली. अचानक सुरु झालेल्या या वादामुळे सर्व सामान्य नागरिकांत दहशत पसरली आहे.