जालना : जालना शहरातील बडी सडक परिसरात असलेल्या कोमल गिफ्ट गॅलरी सेंटरमधून मोठ्या प्रमाणात (Jalna News) भांग सदृश्य पदार्थाची तस्करी केली जात असल्याची माहिती स्थानिक गुन्हे शाखेच्या पोलिसांना (Police) मिळाली होती. यावरून स्थानिक गुन्हे शाखेच्या पोलिसांनी छापेमारी करत मादक पदार्थ जप्त केले आहे. (Tajya Batmya)

जालना शहरातील बडी सडक परिसरात असलेल्या गिफ्ट गॅलरी सेंटरमध्ये पोलिसांनी छापा टाकून २५ ते ३५ किलो वजन असलेला भांग सदृश्य मादक पदार्थ जप्त केला आहे. गेल्या काही दिवसापासून या गिफ्ट गॅलरी सेंटरमधून मोठ्या प्रमाणात भांग दृश्य अमली मादक पदार्थाची तस्करी केली जात असल्याची माहिती पोलिसांना मिळाली होती. त्या माहितीच्या आधारे स्थानिक गुन्हे शाखेच्या पोलिसांनी रात्री नऊच्या सुमारास बडी सडक परिसरात (LCB) असलेल्या कोमल गिफ्ट गॅलरी सेंटरमध्ये धाड टाकून अमली पदार्थ जप्त केले. याप्रकरणी कायदेशीर कारवाई करत गिफ्ट गॅलरी चालकाला ताब्यात घेतल आहे.

उच्चभू वस्ती समजल्या जाणाऱ्या बडी सडक परिसरात असलेल्या गिफ्ट गॅलरी सेंटरमध्ये मोठ्या प्रमाणात भांग दृश्य मादक पदार्थ आढळून आल्याने शहरात एकच खळबळ उडाली आहे. स्थानिक गुन्हे शाखेच्या पोलिसांची रात्री उशिरापर्यंत ही कारवाई सुरु होती. तर या मागे मोठं रॅकेट असण्याची शक्यता पोलिसांनी वर्तवली जात आहे. या प्रकरणी अधिक तपास स्थानिक गुन्हे पोलीस शाखेचे पोलीस करत आहे.