जालना : शहरातील औद्यागिक वसाहतीत असलेल्या ओम साईराम स्टील कंपनीसमोर दोन अज्ञात चोरट्यानी पैशांनी (Crime News) भरलेली बॅग लांबविली.  भर दिवसा घडलेल्या या घटनेने औद्योगिक परिसरात (Jalna News) एकच खळबळ उडाली आहे. (Breaking Marathi News)

दुपारी एकच्या सुमारास भंगार व्यापारी सुनील बजाज हे आपल्या एका सहकाऱ्यासह स्कुटीवरून २० ते २५ लाखाची रोकड घेऊन बॅकेत भरणा करण्यासाठी जात होते. या दरम्यान दुचाकीवरून (Robbery) आलेल्या दोघांनी स्कुटीला दुचाकी आडवी लावून सुनील बजाज यांच्या हातातील पैशाने भरलेली बॅग हिसकावून पोबारा केला आहे. 

पोलिस घटनास्थळी दाखल 

जालना शहरात दुचाकीवरून जाणाऱ्या भंगार व्यापाऱ्याची पैशाने भरलेली बॅग हिसकावून पोबारा केल्याची घटना घडली. या घटनेची माहिती मिळताच चंदनझिरा पोलिसांनी घटनास्थळी धाव घेऊन या चोरट्यांचा शोध सुरु केला आहे. या घटनेने औद्योगिक परिसरातील व्यापारी वर्गात एकच खळबळ उडाली आहे.