जालना: दारूच्या नशेत पतीने पत्नीची गळा आवळून हत्या केल्याची संतापजनक घटना घडली आहे. ही धक्कादायक घटना जालनामधील भाटेपुरी गावात घडली आहे. कौटुंबिक वादातून पती आणि पत्नी दोघांमध्ये भांडणं झाली होती. रागाच्या भरात त्यानं पत्नीची गळा आवळून हत्या केली. असं पोलीस तपासात उघड झालं आहे. या प्रकरणी पती आरोपी विरोधात गुन्हा दाखल करण्यात आला असून, त्याला पोलिसांनी ताब्यात घेतलं आहे.

दारू ही वाईट. दारूमुळे अनेक संसार उद्ध्वस्त झाले आहेत. या निगडीत आपण अनेक बातम्या ही पाहिल्या असतील. अशीच एक धक्कादायक घटना जालना तालुक्यातील भाटेपुरी येथे घडली आहे. दारूच्या नशेत पतीने पत्नीची गळा आवळून हत्या केल्याची संतापजनक घटना घडली आहे. या घटनेनंतर महिलेचा जागीच मृत्यू झाला आहे. ज्यामुळे परिसरात एकच खळबळ उडाली आहे.

जालना तालुक्यातील भाटेपुरी गावात एक जोडपं राहत होतं. गजानन कावळे असं पतीचं नाव तर, पत्नी वंदना कावळे असं मृत पत्नीचं नाव आहे. दोघांचा संसार सुरू होता. पण नवऱ्याला दारूचं व्यसन होतं. दारूमुळे दोघांमध्ये वारंवार भांडणं होत. एकदा कौटुंबिक वादातून दोघांमध्ये टोकाचं भांडण झालं. याच टोकाच्या भांडणामुळे नवऱ्यानं बायकोची हत्या करण्याचं ठरवलं.

आरोपी पतीनं रागाच्या भरात पत्नीचा गळा जोरात आवळला. यादरम्यान पत्नीचा श्वास कोंडला गेला. ज्यामुळे पत्नीचा जागीच मृत्यू झाला. या घटनेची माहिती मिळाल्यानंतर मौजपूरी पोलिसांनी तातडीनं घटनास्थळी धाव घेतली. तसेच आरोपी पतीला ताब्यात घेतलं असून, पोलीस निरीक्षक मिथुन घुगे या घटनेचा अधिक तपास करीत आहेत. या प्रकरणानंतर परिसरात एकच खळबळ उडाली आहे.