Jalna Crime News : जालन्यात रागाच्या भरात घरातून निघून गेलेल्या १७ वर्षीय तरुणीची हत्या केल्याची धक्कादायक घटना घडली आहे. जन्मदात्या पित्याने आणि काकांनी कडुलिंबाच्या झाडाला गळफास देऊन हत्या केली आहे. जालन्यातील चंदणझिरा पोलिस ठाण्याच्या हद्दीतील पिरपिंपळगावतील घटना आहे. या घटनेने जालन्यात एकच खळबळ उडाली आहे. हत्येनंतर मृत्यदेहाची परस्पर जाळल्याची माहिती देखील समोर आली आहे. (Latest Marathi News)

रागाच्या भरात घरातून निघून गेल्यानंतर पुन्हा तीन दिवसांनी घरी परतलेल्या १७ वर्षीय तरुणीला गळफास देऊन तिची जन्मदात्या पित्याने आणि काकाने हत्या केल्याची घटना घडली आहे.

त्यानंतर तरुणीचा परस्पर मृत्यदेह जाळल्याची धक्कादायक घटना चंदणझिरा पोलिस ठाण्याच्या हद्दीत असलेल्या पीरपिंपळगावाच्या शिवारात घडली आहे. सूर्यकला ऊर्फ सुरेखा संतोष सरोदे असं हत्या करण्यात आलेल्या १७ वर्षीय तरुणीचे नाव आहे.

चार दिवसापूर्वी सुरेखा रागाच्या भरात घरातून निघून गेली होती. काल दुपारी सुरेखा आपल्या घरी परतल्या नंतर त्यांच्या वडिलांनी तिला जाब विचारत सामाजात आमची तुझ्यामुळे बदनामी झाली असं सांगत तिला मारहाण केली. त्यानंतर तिला काल, मंगळवारी सायंकाळी चार वाजणाच्या सुमारास आपल्या भावाच्या मदतीने कडूलिंबाच्या झाडाला गळफास देऊन हत्या केली. त्यानंतर रात्री तिचा परस्पर अंत्यसंस्कार ही केला.

या घटनेची माहिती मिळताच चंदणझिरा पोलिसांनी घटनास्थळी धाव घेऊन संतोष भाऊराव सरोदे (तरुणीचे वडील), नामदेव भाऊराव सरोदे (तरुणीचे काका) या दोघा भावांनी ताब्यात घेऊन त्यांच्या विरुद्ध मुलीला गळफास देऊन हत्या करून परस्पर मृत्यदेह जाळल्या प्रकरणी गुन्हा दाखल करण्यात आला आहे. या प्रकरणी पोलीस उपनिरीक्षक झलवार हे तपास करत आहेत. या घटनेची माहिती कळताच जालना (Jalna) जिल्ह्यात एकच खबळ उडाली आहे.