Beed Band News : जालना येथील अंतरवाली सराटी येथे मराठा समाज आरक्षणासाठी (Jalna Maratha Reservation) उपोषण करणाऱ्यांवर झालेल्या लाठीमाराचा निषेध नाेंदविण्यासाठी आज (शनिवार) बीड बंदची (beed band) हाक देण्यात आली आहे. जालन्यातील घटनेनंतर अज्ञातांनी एसटी महामंडळाच्या बसला लक्ष केले हाेते. त्यामुळे बीड बंदच्या पार्श्वभूमीवर एसटी सेवा बंद ठेवण्यात आली आहे. (Maharashtra News)

मराठा आरक्षणाच्या मागणीसाठीच्या आंदोलनाला जालना येथे हिंसक वळण लागल्यानंतर त्याचे पडसाद राज्यभरात उमटले. राज्यातील सकल मराठा समाज आक्रमक झाला आहे. आज बीड बंदच्या पार्श्वभूमीवर जिल्ह्यातील एसटी बस वाहतूक बंद करण्यात आली आहे. यामुळे प्रवाशांचे मोठे हाल सुरू झाले आहेत. प्रवासी मिळेल त्या वाहनातून प्रवास करु लागले आहेत.

खासगी वाहनात मिळेल त्या जागेवर बसून जाण्याची तयारी प्रवाशांनी दाखवली आहे. विशेष म्हणजे ज्या वाहनात सात जण बसतात त्या वाहनात जवळपास 15 प्रवासी बसत आहेत. हे चित्र बीड बस स्थानकाच्या परिसरात आज सकाळी पाहायला मिळाले.

Edited By : Siddharth Latkar