जालना : उन्‍हाची तिव्रता दिवसेंदिवस वाढत आहे. यामुळे आता रस्‍त्‍याच्‍या दोन्‍ही बाजूला शीतपेय विक्रीच्‍या गाड्या लागलेल्‍या आहे. यात (Jalna) जालन्यात रस्‍त्‍याच्‍या कडेला लागलेल्‍या शीतपेय विकणाऱ्या हातगाडीसह विक्रेत्याला अज्ञात वाहनाने चिरडल्याची घटना घडली आहे. यात विक्रेत्‍याचा (Accident) जागीच मृत्‍यू झाला आहे. (Live Marathi News)

जालना- छत्रपती संभाजीनगर मार्गावर रस्त्याच्या कडेला शीतपेय विकणाऱ्या हातगाडी लागलेली होती. या गाडीसह विक्रेत्याला अज्ञात वाहनाने चिरडल्याची घटना जालन्यात एसटी महामंडळाच्या वर्कशॉप समोर घडलीय. या अपघातात विक्रेता तरुण जागीच ठार झाला आहे. राहुल बनसोडे असे या थंडपेय विक्रेत्यांचा नावं असून या घटनेची माहिती मिळताच चंडांझिरा पोलिसांनी घटनास्थळी धाव घेत या अज्ञात वाहनाचा शोध सुरू केला आहे.

रोजीरोटीसाठी सुरू केली गाडी

राहुल बनसोडे याने उन्‍हाळा सुरू झाल्‍याने आपल्‍या रोजीरोटीसाठी थंडपेय विक्रीची हातगाडी लावली होती. यातून दिवसभरात मिळत असलेल्‍या पैशातून कुटूंबाला हातभार लावत होता. परंतु, त्‍याच्‍या मृत्‍यू झाल्‍याने कुटूंबाचा आधार गेला आहे. दरम्यान या अपघाताची माहिती कळताच चंदनझिरा परिसरात हळहळ व्यक्त केल्या जात आहे.