रावेर (जळगाव) : दिवाळीनंतर येणाऱ्या भाऊबीज सणाच्या दिवशीच पती- पत्नीने घरातच गळफास घेत आत्महत्या केल्याची घटना रावेर तालुक्यातील विवरे खुर्द येथे उघडकीस आली आहे. या घटनेमुळे गावात एकच खळबळ उडाली असून पती- पत्नीने हे टोकाचे पाऊल कोणत्या कारणाने उचलले याचे कारण अद्याप अस्पष्ट आहे.  

रावेर (Raver) तालुक्यातील विवरे खुर्द येथील कुंभार वाड्यात अनिल देविदास हरणकार (वय ३८) व त्याची पत्नी शितल अनिल हरणकार (वय ३२) हे दोन मुले व एक मुलीसह वास्तव्यास होते. दीपावली उत्सव साजरा केल्यानंतर दोघांनी भाऊबीजच्या दिवशी (३ नोव्हेंबर) दुपारी दिड वाजेच्या सुमारास घरातच कपड्याच्या साह्याने गळफास घेऊन आत्महत्या केली. गावात घटनेची माहिती मिळताच नागरिकांनी घटनास्थळाकडे धाव घेतली. तसेच पोलिसांना (police) घटनेची माहिती देण्यात आली.  

यानंतर निंभोरा पोलिस स्टेशनचे सह पोलिस निरिक्षक हरीदास बोचरे हे पथकासह घटनास्थळी दाखल झाले. घटनास्थळी पाहणी करत पंचनामा केला. निंभोरा पोलिसात धनश्याम हरणकार (रा. विवरे खुर्द) यांनी दिलेल्या फिर्यारीवरून मुत्युची नोंद करण्यात आली आहे. पुढील तपास पोलीस करीत आहे. पती- पत्नीच्या आत्महत्यांमुळे दोन मुले व एक मुलगी अनाथ झाले आहेत.