पारोळा (जळगाव) : देवपिप्री (ता. जामनेर) येथे पुतण्याकडे वास्तूशांतीच्या कार्यक्रम असल्याने सुरतहून (Jalgaon) गावाकडे दुचाकीने येताना अपघात झाला. या अपघातात (Accident) मुलाचा मृत्यू झाला आहे, तर वडील गंभीर जखमी झाले आहेत. जखमींवर धुळे येथे उपचार सुरु आहेत. (Maharashtra News)

जामनेर (Jamner) तालुक्यातील देवपिंप्री येथे वास्तुशांतीचा कार्यक्रम असल्याने सुरतहून दुचाकीने पिता- पुत्र गावाकडे निघाले होते. मुलगा रोहन श्रावण भोई (वय २२) हा दुचाकी चालवत होता. तर मागे वडील श्रावण भोई बसले होते. दरम्यान करंजी शिवारातील उड्डाणपुलावर अपघात होऊन दोघे गंभीर जखमी अवस्थेत रस्त्याच्या कडेला ग्रामस्थांना पडलेले दिसले. त्यांच्या डोक्यास, चेहेऱ्यावर व हाता-पायांना गंभीर दुखापत झाली होती. त्यांना पारोळा कुटीर रुग्णालयात दाखल केले असता डॉक्टरांनी तपासणी करून रोहन भोई याला मृत घोषित केले. तर श्रावण भोई हे जखमी असून त्यांना पुढील उपचारासाठी धुळे येथे रवाना करण्यात आले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गाव राहिले होते काही अंतरावर 

देवपिंप्री (ता. जामनेर) येथे २२ डिसेंबरला श्रावण भोई यांच्या पुतण्याकडे वास्तूशांतीचा कार्यक्रम होता. त्यासाठी सुरत (Surat) येथून पिता- पुत्र रात्री दुचाकीने निघाले होते. पारोळ्याजवळील करंजी गावाजवळ ही घटना घडली. त्यात मुलाचा मृत्यू झाला. या घटनेने देवपिंप्री गावात हळहळ व्यक्त होत आहे. मयत रोहन भोई याचा सुरत येथे हॉटेलचा व्यवसाय असून, तो कुटुंबासह वास्तव्यास होता.