पाचोरा (जळगाव) : लोहटार (ता. पाचोरा) येथील वृद्ध पाटील दांम्‍पत्याने पाचोरा पोलिसांना फोन करून आम्ही आत्महत्या करत आहोत, असे कळवले व विषारी द्रव सेवन केले. (Police) पोलिसांनी लगबगीने घटनास्थळी पोहोचून (Pachora) दोघांना उपचारासाठी रुग्णालयात दाखल केले. परंतु आज (१० जुलै) दोघांचा मृत्यू झाला. पोलिसांनी अकस्मात मृत्यूची नोंद केली आहे. (Tajya Batmya)

राज्‍य परिवहन महामंडळाचे निवृत्त कर्मचारी ईश्वर नामदेव पाटील (वय ७८) व त्यांच्या पत्नी प्रमिला पाटील (वय ७२) हे दाम्पत्य दोन मुले, सुना, नातवंडे या कुटुंबीयांसह लोहटार येथे वास्तव्यास आहेत. हा परिवार अत्यंत धार्मिक, सुस्वाभावी, सरळ मार्गी व आपल्या कामधंद्यात मग्न असल्याने एक आदर्श परिवार म्हणून या परिवाराची ग्रामस्थांना ओळख होती. असे असताना ८ जुलैला पहाटे चार वाजेच्‍या सुमारास ईश्वर पाटील यांनी पाचोरा पोलीस स्टेशनला फोन केला की, मी लोहटारहून ईश्वर पाटील बोलतोय, मी व माझी पत्नी संसाराला कंटाळून स्वखुशीने आत्महत्या करीत आहोत. त्यासाठी कुणालाही कारणीभूत अथवा जबाबदार धरू नये. असे सांगून त्यांनी फोन बंद केला.

फोनच्या आधारे पोलिसांनी लगबगीने लोहटार येथे जाऊन प्रकार जाणून घेतला असता ईश्वर पाटील व प्रमिला पाटील या दोघांनी विषारी औषध सेवन केल्याने (Pachora Police) अत्यवस्थ झाले होते. पोलिसांनी तातडीने त्यांना खाजगी रुग्णालयात दाखल केले. डॉक्टरांनी उपचार करून त्यांना वाचविण्याचा प्रयत्न केला. परंतु आज मध्यरात्री दोनच्या सुमारास प्रमिला पाटील यांचा मृत्‍यू झाला. तर सकाळी ८ वाजता ईश्वर पाटील यांनीही अखेरचा श्‍वास घेतला.