जळगाव : तीन महिन्यांपूर्वी पत्नी व मुले सोडून गेले. यानंतर कायम तणावात असलेल्या इसमाने गळफास घेत आत्महत्या (Jalgaon) केल्याची घटना जळगावात उघडकीस आली आहे. मेहरूणच्या रेणूकानगरात ही घटना घडली आहे. या प्रकरणी एमआयडीसी पोलीस (Police) स्टेशनला अकस्मात मृत्यूची नोंद करण्यात आली. (Maharashtra News)

जळगावातील रेणुकानगरातील संतोष वामन भावसार (वय ४२) असे मयत इसमाचे नाव आहे. ते मेहरुण परिसरातील रेणुकानगरात एकटे राहत होते. त्यांची पत्नी तीन महिन्यांपासून तीन मुलांसहित घर सोडून निघुन गेल्या आहेत. प्लम्बिंग काम करून ते उदरनिर्वाह करायचे. पत्नी गेल्यामुळे गेल्या काही दिवसांपासून संतोष कौटुंबिक तणावात असल्याची माहिती नातेवाईकांनी दिली. दरम्यान सोमवारी ते सकाळपासून घराच्या बाहेर पडलेच नाही. यामुळे शेजाऱ्यांनी संध्याकाळी ५ वाजेच्या सुमारास संतोष भावसार यांना आवाज दिला. कुठलाही प्रतिसाद मिळत नसल्याने घरात डोकाऊन पाहिले असता, ते गळफास घेतलेल्या अवस्थेत दिसून आले.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांना दिली माहिती 
यानंतर शेजाऱ्यांनी तातडीने एमआयडीसी पोलिसांना घटनेची माहिती दिल्यानंतर त्यांना शासकीय वैद्यकीय महाविद्यालय व रुग्णालयात दाखल करण्यात आले. येथे डॉक्टरांनी तपासणीअंती त्यांना मयत घोषित केले. संतोष भावसार यांच्या बहिणींना माहिती दिल्यावर त्यांनी एकच आक्रोश केला. घटनेप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.