पारोळा (जळगाव) : भारतीय जनता पार्टीचे प्रविण दरेकर यांनी राष्ट्रवादी पक्षाविषयी आक्षेपार्ह विधान केल्याप्रकरणी पारोळ्यात पंचायत समितीच्या माजी सभापती रेखा पाटील यांचे नेतृत्वाखाली जोडे मारो आंदोलन करण्यात आले. (jalgaon-news-pravin-darekar-Beatshoes-in-parola-Protest-from-NCP-Women's)

विधान परिषदेचे विरोधी पक्षनेता प्रविण दरेकर यांनी राष्ट्रवादी पक्ष हा रंगलेल्या गालांचा मुका घेणारा पक्ष आहे; असे आक्षेपार्ह विधान करुन महिलांचा अपमान केला होता. यावेळी राज्यभर त्यांच्या विधानाचा राष्ट्रवादी महिला काँग्रेसकडुन निषेध करण्यात येत असुन माजी पालकमंत्री डॉ. सतीष पाटील, महिला प्रदेशाध्यक्ष रुपाली चाकणकर, जिल्हाध्यक्ष वंदना चौधरी यांचे मार्गदर्शनाखाली तर माजी पंचायत समिती सभापती रेखा पाटील व वर्षा पाटील यांचे नेतृत्वाखाली पारोळ्यात तालुकाध्यक्ष सुवर्णा पाटील, जिल्हा उपाध्यक्ष सुनंदा शेंडे, अल्पसंख्खाक अनिसा पिंजारी, तालुका संघटक कल्याणी देवरे, ओबीसी अध्यक्ष सुवर्णा महाजन यांचेसह महीला पदाधिकारी उपस्थित होत्या.

दरेकरांच्‍या फोटोवर फेकली शाई, लिपस्‍टीक

महिला पदाधिकारी यांनी दरेकरांच्या प्रतिकात्मक फोटोस जोडे मारुन शाई व लाली लिपस्टीक फेकली. तसेच दरेकरांचे करायचे काय खाली डोके वरती पाय अश्या घोषणा देवुन निषेध व्यक्त करण्यात आला.