जळगाव : राज्याच्या महिला व बाल विकास मंत्री ॲड. यशोमती ठाकूर जळगाव जिल्‍हा दौऱ्यावर येत आहेत. मुंबईहून त्‍या उद्या (ता. ७) जिल्ह्याच्या दौऱ्यावर येत असून भुसावळला त्‍यांचे आगमन होवून त्‍यानंतर त्‍यांचा दौरा सुरू होईल. (jalgaon-news-minister-yashomati-thakur-tour-of-jalgaon-district)

मुंबईहून आज रात्री साडेअकराला त्‍या पाटलीपुत्र एक्‍सप्रेसने मार्गस्‍थ होती. यानंतर उद्या (ता. ७) सकाळी ६.२५ ला भुसावळ रेल्वेस्टेशन येथे आगमन होवून शासकीय वाहनाने शासकीय विश्रामगृहाकडे प्रस्‍थान करतील. यानंतर सकाळी आठला शासकीय विश्रामगृह येथून अकलूज, पाडळसे, बामणोद येथे कॉग्रेस कार्यकर्त्यांच्या भेटी, फैजपूर येथून महात्मा गांधी मार्गाने खिरोदाकडे प्रस्‍थान, खिरोदा येथे कर्मयोगी धनाजी नाना चौधरी स्मृती मंदिरात अभिवादन करतील. खिरोदा येथून रोझोदा, कोचूर, सावदा येथे काँग्रेस कार्यकर्त्यांच्या भेटी घेवून फैजपूरकडे प्रस्‍थान करतील. येथे सकाळी दहाला आगमन झाल्‍यावर स्वातंत्र्याच्या अमृत महोत्सवी वर्षानिमित्त महाराष्ट्र प्रदेश काँग्रेस कमिटीव्दारे आयोजित ‘व्यर्थ न हो बलीदान’ कार्यक्रमास उपस्थिती व धनाजीनाना महाविद्यालय फैजपूर येथे रविंद्रनाथ टागोर यांचे पुण्यतिथीनिमित्त प्रतिमेस पुष्पहार अर्पण करून दुपारी १२ ते १ दरम्‍यान फैजपूर येथे राखीव. यानंतर दुपारी १ वाजता फैजपूर येथून यावल, किनगाव, चोपडा, शिरपूरमार्गे शासकीय वाहनाने चिमठाणा (ता. दोंडाईचा, जि. धुळे) कडे रवाना होतील.