जळगाव : तब्बल पंधरा दिवसांपासून पाठ फिरविलेल्या मान्सूनने जळगाव शहरात दमदार हजेरी लावली. रविवारी संध्याकाळी (Heavy Rain) जोरदार तर आज सकाळी तुरळक स्‍वरूपात हजेरी लावली. पंधरा मिनिटाच्‍या दमदार पावसामुळे जळगाव शहरातील अनेक रस्‍त्‍यांवर पाणी साचले होते. (Jalgaon Rain Update)

अनेक दिवसांपासून प्रचंड उकाड्याने हैराण असलेल्या (Jalgaon) जळगावकरांना दमदार पावसामुळे दिलासा मिळाला आहे. दरम्यान जळगाव जिल्ह्यात (Jalgaon Rain) आगामी तीन दिवस मुसळधार ते अति मुसळधार पावसाचा अंदाज भारतीय हवामान खात्याकडून वर्तविण्यात आला आहे. जिल्ह्यात व जळगाव शहरातदेखील जुलै महिन्यात दमदार पावसाने हजेरी लावल्यानंतर ऑगस्टमध्ये एकूण सरासरीपेक्षा कमीच पाऊस झाला होता. त्यात सप्टेंबर महिना सुरू झाल्यानंतर देखील पहिल्या आठवड्यात ठराविक तालुक्यांमध्येच किरकोळ हजेरी लावली होती.

पिकांना होणार फायदा

एकीकडे तापमानात वाढ व वातावरणात मोठ्या प्रमाणात आर्द्रता वाढल्यामुळे मोठ्या प्रमाणात उकाड्यातदेखील वाढ झाली होती. तसेच पावसाने पाठ फिरवल्यामुळे कापूस, सोयाबीन या पिकांनादेखील मोठा फटका बसण्याची भीती व्यक्त केली जात होती. मात्र, वातावरणात अचानक बदल होऊन ढगांचा गडगडाट व विजांच्या कडकडाटासह दमदार पावसाने शहर व तालुक्यातील अनेक भागात हजेरी लावल्याने शेतकऱ्यांची चिंता मिटली आहे.