जळगाव : शहरातील शिवाजीनगर उस्मानिया पार्क भागात रिक्षा चालकाने गळफास घेत आत्महत्या केली. (jalgaon) सदर घटना शनिवारी रात्रीच्या सुमारास घडली. रोजगाराचा ताण आणि कर्जबाजारु पणामुळे या तरुणाने आत्महत्या केल्याची माहिती हाती आली आहे. (Breaking Marathi News)

बिलाल शेख वलीयोद्दीन (वय ३१) असे मयत तरुणाचे नाव आहे. जळगाव शहरातील शिवाजीनगर उस्मानिया पार्क भागातील नागोरी डेअरीच्या गल्लीत बिलाल शेख वलियोद्दीन हा पत्नी व चार वर्षाची मुलगीसह वास्तव्यास होता. कोरोना काळानंतर कर्जबाजारी झाल्यापासुन हा तरुण तणावात राहत असल्याचे त्याच्या परिचीतांनी माहिती देतांना सांगितले. दरम्यान शनिवारी रात्री आठ वाजेच्या सुमारास त्याने राहत्या घरात आत्महत्या केल्याचे पत्नीला आढळून आले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पतीला पाहताच पत्नीने हंबरडा फोडला. शेजाऱ्यांनी मदतीला धाव घेत मृतदेह खाली उतरवुन शहर पेालिसांना घटनेची माहिती कळवली. (Police) पोलिसांसह परिसरातील रहिवाश्यांनी रुग्णवाहिकेसाठी प्रयत्न करुनही रुग्णवाहीका उपलब्ध नसल्याने अखेर रात्री रिक्षातून मृतदेह जिल्‍हा रुग्णालयात आणण्यात आला. शहर पेालिसांत या प्रकरणी अकस्मीक मृत्युची नोंद करण्यात आली आहे.