जळगाव : गेल्या बावीस तेवीस दिवसांपासून राज्यात कुठेही भारनियमन नाही. राज्यात भारनियमनाच्या केवळ वावड्या उठवल्या जात आहेत. यापुढेही राज्‍यात भारनियमन होवू देणार नसल्‍याची प्रतिक्रिया ऊर्जामंत्री नितीन राऊत (Nitin Raut) यांनी भुसावळ येथे दिली. (jalgaon news Minister Nitin Raut statemennt no load shedding in the state anymore)

ऊर्जामंत्री नितीन राऊत हे आज जळगाव (Jalgaon) जिल्हा दौऱ्यावर आहेत. मंत्री राऊत यांच्‍या हस्‍ते चिचाटी (ता. रावेर) येथे ३३ केव्ही उपकेंद्राचे भूमिपूजन, तसेच मोर धरण येथे नियोजित सौर ऊर्जा प्रकल्प स्थळाची पाहणी, दीपनगर औष्णिक वीज निर्मिती केंद्राची पाहणीनिमित्‍ताने जळगाव दौऱ्यावर आहेत. यावेळी ते पत्रकारांशी संवाद साधताना बोलत होते.

रोहित्र बिघाड म्‍हणजे भारनियमन नाही

जळगाव जिल्ह्यातील भुसावळ (Bhusawal) येथे दीपनगर औष्णिक वीज निर्मिती केंद्राची पाहणी करुन आढावा घेतील. यावेळी राज्‍यातील भारनियमनावर (Load Shedding) बोलताना राऊत म्‍हणाले, की वादळ आले तर ट्रीपिंग होते. तसेच उष्णता वाढली तर ट्रान्‍सफार्मर जळू शकतो. याला भारनियमन म्हणता येणार नाही. सलग तीन– चार तास लाईट बंद राहिली तर भारनियमन असते. परंतु, राज्‍यात पुढेही भारनियमन होवू देणार नसल्‍याने यावेळी नितीन राऊत म्हणाले.