जळगाव : कोरोनाचा नवीन व्‍हेरीयंट असलेल्‍या ओमायक्रॉनचा प्रसार वाढण्याची शक्‍यता वर्तविली जात आहे. यामुळे कोरोना लसीकरण करण्यावर अधिक भर दिला जात आहे. यामुळे जळगाव महापालिकेने (Jalgaon Corporation) देखील कोरोनाच्‍या लसीचा डोस घेतलेल्‍यांनाच पेट्रोल देण्याचा फतवा काढला आहे.(jalgaon-news-corpoation-rules-follow-today-No-vaccine-no-petrol-in-Jalgaon)

ओमायक्रॉन व्हेरिएंटच्या पार्श्वभूमीवर जिल्हा प्रशासनाने जिल्ह्यात व शहरातील विविध आस्थापनांसाठी विशेष नियम लागू केले असून, आता कोरोना लसीकरणाचे सर्टीफिकेट दाखविल्याशिवाय वाहन धारकांना पेट्रोल मिळणार नसल्याचे आदेश मनपा उपायुक्त शाम गोसावी यांनी काढले आहेत.

कडक अंमलबजावणी

शहरातील बँक, हॉटेल व मोठ्या दुकानांसाठीही हेच नियम मनपाने लागू केले आहेत. या नियमांची कडक अंमलबजावणी मनपाकडून आजपासून केली जाणार असल्याची माहिती मनपाप्रशासनाकडून देण्यात आली आहे. राज्यातील मुंबई, पुणे या शहरांमध्ये ओमायक्रॉन व्हेरिएंटचे नवीन रुग्ण आढळले आहेत. त्या पार्श्वभूमीवर मनपाकडून देखील खबरदारी घेतलीआता हॉटेल, बँक, पेट्रोल पंप व मोठ्या दुकानांमध्ये जाताना ग्राहकांकडून लसीकरणाच्या प्रमाणपत्राची तपासणी करून घेण्याचे आदेश मनपाने काढले आहेत.