जळगाव : कोरोना संसर्गाचा दर कमी असलेल्या राज्यातील २५ जिल्ह्यांमध्ये मंगळवारपासून (ता.३) निर्बंध शिथिल होत आहेत. त्यानुसार जळगाव जिल्ह्यातही आता सोमवार ते शुक्रवार सर्व दुकाने रात्री ८ वाजेपर्यंत सुर असतील, तर शनिवारी ती दुपारी ३ पर्यंतच खुली राहणार आहेत. याशिवाय अन्य निर्बंध कायम असतील. (jalgaon-news-coronavirus-jalgaon-district-unlock-proccess-start-today)

राज्यातील २५ जिल्ह्यांमध्ये कोरोनाचा संसर्ग नियंत्रणात असून त्याठिकाणी निर्बंध शिथिल करण्याबाबत प्रस्ताव विचाराधीन होता. त्यासंबंधीचे आदेश आज शासनाने पारित केले. त्यानुसार आता या २५ जिल्ह्यांमध्ये निर्बंध शिथिल झाले आहेत. जळगाव जिल्ह्याचाही त्यात समावेश आहे.

या बाबींचा दिलासा

शासनाच्या आजच्या आदेशानुसार बाजारपेठेतील सर्व दुकानांना मोठा दिलासा मिळाला आहे.

- सर्व प्रकारची दुकाने रात्री ८पर्यंत सुरु राहणार

- शनिवारी ह दुकाने दुपारी ३ पर्यंतच सुरु ठेवता येणार

- रविवारी जीवनावश्‍यक वस्तूवगळता सर्व दुकाने पूर्ण बंद असतील

- उद्यान, पार्क, मैदानांवर केवळ मॉनिंग वॉकसाठी मुभा असेल

- योगा सेंटर, जिम, सलून, स्पा ही ठिकाणे ५० टक्के उपस्थितीसह सुरु ठेवता येतील

- हॉटेल दुपारी ४ वाजेपर्यंतच ५० टक्के क्षमतेसह सुरु राहतील, नंतर पार्सल सुविधा देता येईल

- सर्व प्रार्थनास्थळे, सिनेमागृह, नाट्यगृहे, शाळा, महाविद्यालये बंद असतील

- रात्री ९ ते पहाटे ५ यावेळेत संचारबंदी कायम असेल