जळगाव : घराज आई व दोन चिमुकले होते. या दोन्‍ही चिमुकल्‍यांना आईने विषारी द्रव पाजले. यानंतर रूममध्‍ये जावून पंख्‍याला साडीच्‍या सहाय्याने गळफास घेत आत्‍महत्‍या केली. ही धक्‍कादायक घटना खंडाळा (ता. भुसावळ) येथे घडली आहे. (jalgaon-news-bhusawal-mother-choked-the-children-first-and-then-suicide)

भुसावळ तालुक्यातील खंडाळा येथे पती– पत्‍नी व दोन मुले असा चौधरी परिवार वास्‍तव्‍यास होता. किशोर चौधरी हे खासगी फायनान्स बँकेत नोकरीला होते. मात्र, लॉकडाउनमध्ये नोकरी गेल्याने गावी येवून शेती करत होते. सदर घटना घडली त्‍यावेळी किशोर चौधरी हे शेतात गेले होते. घरी त्‍यांनी पत्‍नी अश्विनी व दोन मुले होते.

आत्‍महत्‍येचे कारण गुलदस्‍त्‍यात

विवाहिता अश्विनी चौधरी हिने दोघा चिमुकल्यांना आत्महत्येपूर्वी विषारी किटकनाशक पाजल्याचा संशय आहे. यानंतर पंख्याला साडी बांधून गळफास घेत आत्महत्या केली. दरम्यान,विवाहितेच्या आत्महत्येचे कारण समजलेले नाही. सदर प्रकाराबाबत पतीला कळविण्यात आले.

मुलगा रडत बाहेर आला अन्‌

अश्विनीने बुधवारी सकाळी आत्महत्या केली. तेव्हा श्रेयस (वय ९) आणि प्रणव (वय ३) हे मुलेही घरीच होते. श्रेयस रडत बाहेर आल्याने हा प्रकार उघडकीस आला. त्यानंतर दोन्ही मुलांना उलट्या झाल्याने त्यांना डॉ. उल्हास पाटील वैद्यकीय महाविद्यालयात नेण्यात आले. त्यांना किटकनाशक दिल्याचे स्पष्ट झाले आहे. यात मोठा मुलगा श्रेयसची प्रकृती गंभीर आहे.