जळगाव : जळगाव जिल्हा दूध संघातील लोणी व दुधाची भुकटी चोरी प्रकरणाचा अजूनही वाद सुरू आहे. याबाबत गुन्हा दाखल होण्यासाठी खडसेंचा पाठपुरावा सुरू आहे. दरम्यान गुन्‍हा नोंदविण्यात यावा यासाठी (Jalgaon) जिल्हा दूध संघाचे कार्यकारी संचालक मनोज लिमये यांनी पुन्‍हा शहर पोलीस ठाणे (Jalgaon Police) गाठले. तरी देखील यांना गुन्‍हा नोंदविण्याविनाच परतावे लागले. (Live Marathi News)

जिल्‍हा दूध संघातील लोणी व दुधाची भुकटी चोरी प्रकरणी आमदार खडसे (Eknath Khadse) यांनी गेल्‍या आठवड्यात शहर पोलीस ठाण्याबाहेर ठिय्या आंदोलन केले होते. परंतु, गुन्‍हा नोंदविला गेला नाही. यानंतर खडसेंनी आंदोलनाला स्थगिती देवून न्यायालयात दाद मागणार असल्याचे सांगितले होते.

लिमयेंनाही यावे लागले परत

न्यायालयाच्या आदेशानुसार दूध संघातील चोरी प्रकरणी फिर्याद देण्यास गेलो होतो. परंतु पोलिसांनी आधीच जिल्हा दूध संघाबाबत गुन्हा दाखल केल्याचे पोलीस निरीक्षकांनी सांगितले असल्‍याची माहिती जिल्हा दूध संघातील कार्यकारी संचालक लिमये यांनी दिली.