Jalgaon District Bank Election: 
महाराष्ट्र

मोठी राजकीय घडामोड! शिवसेना २, भाजपची १ जागा बिनविरोध; जळगाव जिल्हा बँक निवडणुकीत ट्विस्ट

Jalgaon District Bank Election: जळगाव जिल्हा मध्यवर्ती सहकारी बँकेच्या निवडणुकीत महायुतीच्या तीन जागांवरील उमेदवारांची बिनविरोध निवड निश्चित झाली आहे.

Namdeo Kumbhar

संजय महाजन, प्रतिनिधी जळगाव प्रतिनिधी

जळगाव जिल्हा मध्यवर्ती सहकारी बँकेच्या निवडणुकीत मोठी राजकीय घडामोड घडली असून, महायुतीच्या ३ जागा बिनविरोध झाल्या आहेत. यामध्ये शिवसेना (शिंदे गट) पक्षाच्या दोन, तर भाजपच्या एका जागेचा समावेश आहे. पारोळा, एरंडोल आणि भुसावळ विकास सोसायट्यांच्या (सोसायटी) मतदारसंघातून इतर कोणताही उमेदवारी अर्ज दाखल न झाल्यामुळे ही बिनविरोध निवड निश्चित झाली आहे.

कुणाची झाली बिनविरोध निवड?

पारोळा मतदारसंघ: शिवसेनेच्या नलिनी चिमणराव पाटील (आमदार अमोल पाटील यांच्या मातोश्री).

एरंडोल मतदारसंघ: मृणाल अमोल पाटील (आमदार अमोल पाटील यांच्या पत्नी).

भुसावळ मतदारसंघ: रजनी संजय सावकारे (मंत्री संजय सावकारे यांच्या पत्नी).

जिल्हा बँक निवडणुकीत अर्ज दाखल करण्याच्या शेवटच्या दिवशी आणि प्रत्यक्ष मतदानापूर्वीच या तीन जागांवर प्रतिस्पर्धी उमेदवारांचे अर्ज न आल्याने ही निवड बिनविरोध झाली.

जागावाटपाचा तिढा सुटण्याआधीच घडामोडी:

महायुतीमध्ये अद्याप जागावाटपाचा तिढा पूर्णपणे सुटलेला नसतानाच या तीन जागा बिनविरोध झाल्या आहेत. शिवसेना (शिंदे गट) आणि भाजपमध्ये जागावाटपाबाबत चर्चा सुरू असतानाच, आमदार अमोल पाटील यांनी भाजपचे आमदार मंगेश चव्हाण यांच्याशी चर्चेतून आपल्या कुटुंबातील दोन जागा बिनविरोध करून घेतल्याची चर्चा राजकीय वर्तुळात रंगली आहे.

"बिनविरोध निवड झाल्याची माहिती मिळाल्यामुळे मी अमोल पाटील यांचे अभिनंदन करायला आलो होतो," अशी सूचक प्रतिक्रिया आमदार मंगेश चव्हाण यांनी दिली. तर, "आमदार मंगेश चव्हाण यांच्या पॉलिटिकल स्किलचा थोडा वापर, त्यांच्या मार्गदर्शनाखाली आम्ही केला," अशी प्रतिक्रिया आमदार अमोल पाटील यांनी दिली. या सर्व घडामोडींमुळे शिवसेना शिंदे गटातील एक गट भाजपासोबत जुळवून घेत असल्याचे दिसून येत असून, आता जिल्हा बँक निवडणुकीत महायुतीचे अंतिम चित्र काय राहणार, याकडे सर्वांचे लक्ष लागले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Friday Horoscope : नशिबाची साथ मिळणार! 'या' राशींच्या आयुष्यात येणार आनंदाचे दिवस, वाचा आजचे राशीभविष्य

महाराष्ट्र वेतन नियम 2026 लागू, 8 तास काम दुप्पट ओव्हर टाईम

एजंटकडून कर्जवसुलीसाठी रुग्णालयातच छळ, बँक कर्मचाऱ्याची शेतकरी महिलेवर मुजोरी; पोलीस आणि वसुली एजंटचं साटंलोटं?

डिलिमिटेशनला पवार-स्टॅलिन अनुकूल? सशर्त अटींसह पाठिंबा देण्याचे संकेत

2035 पर्यंत इस्लाम जगातला सर्वात मोठा धर्म; भारतात 2070 मध्ये 33 कोटी मुस्लीम?

SCROLL FOR NEXT