जळगाव : नेहमीप्रमाणे सकाळी फिरायला गेले असता मागून भरधाव वेगाने आलेल्या दुचाकीने जोरदार धडक दिली. यात (Jalgaon) गंभीर झालेल्या इसमाचा उपचारादरम्यान मृत्यू झाल्याची घटना जळगाव तालुक्यातील विदगाव येथे घडली. (Latest Marathi News)

विदगाव (ता. जळगाव) येथे वास्तव्यास असलेले नरेंद्र पंढरीनाथ कोळी (वय ४४) असे या घटनेत मृत झालेल्या व्यक्तीचे नाव आहे. नरेंद्र कोळी हे कंपनीत नोकरीला होते. दरम्यान ३ फेब्रुवारीला सकाळी ६ वाजता नेहमीप्रमाणे मॉर्निंग वॉक करण्यासाठी घराबाहेर पडले. यावल रोडने तापी नदीवरील पुलाकडे जात (Accident) असताना मागून भरधाव वेगाने येणाऱ्या दुचाकीने त्यांना जोरदार धडक दिली. यात त्यांच्या डोक्याला मार लागला होता. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कुटुंबाचा आधार गेला 

अपघात घडल्यानंतर गावातील काही नागरिकांनी त्यांना जळगाव येथे उपचारासाठी आणले. मात्र प्रकृतीत सुधारणा होत नसल्याने त्यांना (Jalgaon Medical Collage) शासकीय वैद्यकीय महाविद्यालयात उपचारासाठी दाखल केले. मागील दहा दिवसांपासून त्यांच्यावर उपचार सुरु असतांना १२ फेब्रुवारीला सकाळी त्यांचा मृत्यू झाला. याबाबत जळगाव तालुका पोलीसात अकस्मात मृत्यूची नोंद करण्यात आली आहे. त्यांच्या पश्चात आई अनुसयाबाई, पत्नी शारदा व दोन मुले असा परिवार आहे.