Shri Sammed Shikharji : जैन समाजाचे महत्त्वाचे तीर्थक्षेत्र असलेल्या सम्मेद शिखरजीला (Shri Sammed Shikharji) सरकारने पर्यटन स्थळ म्हणून घोषित केल्याने जैन समाज संतप्त झाला आहे. अकोल्यात आज जैन समाजाने या निर्णयावर तीव्र आक्षेप नोंदवला.

जैन समाजाने आज अकोल्यात रस्त्यावर उतरुन आंदाेलन केले. यावेळी आंदाेलकांनी सरकारच्या निर्णयाचा निषेध नाेंदविला. तसेच हा निर्णय मागे घेण्याचे आवाहन केले.

जैन समाज (jain community) बांधव म्हणाले झारखंड येथील गिरिडीह (Giridih) जिल्ह्यातील सम्मेद शिखर पर्वत हे जैन लोकांचे तीर्थस्थान आहे. मात्र झारखंड सरकारने सम्मेद शिखरला पर्यटनस्थळ म्हणून घोषित केले. हा निर्णय चुकीचा आहे. त्यामुळे आज आम्ही जिल्हाधिकारी यांना निवेदन देत हा निर्णय रद्द करावा अशी मागणी केली आहे. दरम्यान या आंदोलनात (aandolan) मोठ्या संख्येने सकल जैन समाज सहभागी झाला होता.

Edited By : Siddharth Latkar