Sangli News : सांगली जिल्ह्यातील इस्लामपूर पोलिसांनी पैशाची बॅग पळवणाऱ्या आंतरराज्य टोळीतील चार जणांना नुकतीच अटक केली आहे. या कारवाईमुळे गुन्हेगारांवर वचक बसेल अशी चर्चा हाेऊ लागली आहे.  (Maharashtra News)

इस्लामपूर मधील सुभाष गोपाळ पाटील हे आझाद चौकातील आयसीआयसीआय बँकेच्या इस्लामपूर शाखेतून ५० हजार रुपये रक्कम काढून बाहेर आले. कापडी पिशवीत ती रक्कम गुंडाळून सायकलच्या कॅरेजला लावली.

घरी जात असताना मोटरसायकल वरील एका अनोळखी इसमाने त्यांच्या आडवी गाडी मारली व त्याचदरम्यान पाठीमागील एका अनोळखी इसमाने पिशवी काढून घेऊन ते दोघे मोटरसायकलवरून पळून गेले हाेते.

दरम्यान पाेलिसांनी (police) तपास करताना बँकेच्या समोरून नागरिकांच्या पैशाची बॅग बळवणाऱ्या ओडिसामधील आंतरराज्य टोळीतील चार जणांना पकडले. इस्लामपूर पोलीस ठाण्याच्या गुन्हे प्रकटीकरण शाखेने ही कारवाई केली.

बॅग व चेन स्नॅचिंगसारख्या आठ गुन्ह्यांची कबुली संशयित चाैघांनी दिल्याचे पाेलिसांनी सांगितले. त्यांच्याकडील ४ लाख १५ हजार २०० रुपयांचा ऐवज पोलिसांनी हस्तगत केला आहे. नानी सिबा नागरोळ एम. रायडू , संतोष रामू औल व रोहित गोपाल प्रधान अशी पोलिसांनी अटक (arrests) केलेल्या संशियतांची नावे आहेत..

Edited By : Siddharth Latkar