तरबेज शेख

Nashik News :

नाशिकमध्ये मागील काही दिवसांपासून गुन्हेगारीच्या घटनांमध्ये वाढ झाली आहे. काल नाशिकमधील प्रसिद्ध बांधकाम व्यावसायिक गजरा ग्रुपचे चेअरमन हेमंत पारख यांचा त्यांच्या घराबाहेरुन अपहरण करण्यात आलं होतं. त्यानंतर आज त्यांचा सूरतजवळ सुटका करण्यात आली आहे.

मात्र त्यांचं अपरहरण कुणी केलं? कशासाठी केलं? असे अनेक प्रश्न अनुत्तरीत आहेत. पोलीस या घटनेचा तपास करत आहे. आरोपी कुठल्या राज्यातील होते याचा साधारण अंदाज आल्याची माहिती राष्ट्रवादीचे नेते आणि मंत्री छगन भुजबळ यांनी दिली आहे. भुजबळ यांनी आज पारख कुटुंबियांची भेट घेतली. (Crime News)

हेमंत पारख मोठे उद्योगपती आहेत. मुंबई, नाशिक सर्व ठिकाणी त्यांची कामे सुरू असतात. काल घराबाहेरहून त्यांचं अपहरण करण्यात आलं. सकाळी सुरतच्या रस्त्यावर जवळपास त्यांची सुटका झाली. मात्र मध्यंतरी काय झालं हे शोधणे पोलिसांचा काम आहे, असं छगन भुजबळ यांना सांगितलं. (Latest Marathi News)

धीर देण्यासाठी पारख कुटुंबाची भेट घेतली. आज घराजवळून नेलं तर उद्या घरातून देखील नेतील. यासंबंधी वरीष्ठ बोलीस अधिकऱ्यांशी बोलणार असल्याचंही छगन भुजबळ यांना सांगितलं. पारख यांचे डोळे बांधलेले होते, त्यामुळे अपहरणकर्ते कोण होते कळू शकलेलं नाही. पण कुठल्या राज्यातील हे लक्षात आलं आहे. याबाबत मुख्यमंत्री, गृहमंत्री यांच्यासोबत बोलणार असल्याचंही छगन भुजबळ यांना सांगितलं.