सातारा: आषाढी वारी (Ashadhi Wari) बाबत सरकारची भूमिका म्हणजे न्हाणीला बोळा आणि दरवाजा उघडा अशी टीका बंडातात्या कराडकर यांची सरकार वर केली आहे. आळंदीतून 3 तारखेला वारकरी पायी वारीला सुरवात करणार असा ईशारा बंडातात्यांनी दिला आहे. कोरोनाच्या संकटामुळे अखंडपणे सुरू असणाऱ्या वारीला मागील वर्षी खंड पडला. परंतु या वर्षी वारकरी सरकारने वारीवर घातलेल्या बंधनामुळे आक्रमक झाल्याचे पाहायला मिळत आहे.

सरकार ने राजकीय कार्यक्रम, निवडणूक, जाहीर सभा या वर बंधने न घालता वारी वर बंधने घातल्याने आता वारकरी संतप्त झाले आहेत. त्यामुळे सरकारने कोणतेही नियम घातले तरी 3 तारखेला आळंदी मधून पायी वारीला सुरवात होणार असल्याचा इशारा बंडातात्या कराडकर यांनी दिला आहे.

आषाढी वारी बाबत सरकारची भूमिका म्हणजे न्हाणीला बोळा आणि दरवाजा उघडा अशी असल्याचे देखील त्यांनी या वेळी बोलत असताना सांगितले आहे. अजूनही सरकारने किमान संख्येवर पायी चालण्यासाठी वारकऱ्यांना परवानगी द्यावी अन्यथा वारकऱ्यांच्या प्रचंड प्रक्षोभला आणि मोठ्या संख्येला समोर जाण्याशिवाय सरकारला पर्याय राहणार नाही असा इशारा सुद्धा बंडातात्या कऱ्हाडकर यांनी दिला आहे.