पंढरपूर: उत्तर प्रदेशातील लखीमपूर येथील शेतकरी आंदोलनादरम्यान झालेल्या हिंसाचारात अनेक शेतकऱ्यांचा मृत्यू झाला होता. या मृत शेतकऱ्यांच्या अस्थींचे आज पंढरपुरातील चंद्रभागा नदीत विसर्जन करण्यात आले. (Immersion of bones of farmers killed in Lakhimpur violence in Chandrabhaga river)

हे देखील पहा -

विठ्ठल हा शेतकऱ्याचं दैवत आहे येथे येणारा भाविक हा शेतकरी आहे. शेतकऱ्यांवर होणाऱ्या अन्याय-अत्याचारांविरोधात लढण्यासाठी शेतकऱ्यांना शक्ती मिळावी असे साकडे यावेळी शेतकऱ्यांनी विठू चरणी घातले. शेतकरी नेते विनायक पाटील यांनी पुढाकार घेऊन मृत शेतकऱ्यांच्या व एका पत्रकारांची अस्ती चंद्रभागा विसर्जनासाठी पंढरीत आणल्या होत्या. त्यापूर्वी या अस्ती दर्शनासाठी नामदेव‌ पायरी येथे ठेवण्यात आल्या होत्या.

नामदेव पायरीपासून चंद्रभागा घाटापर्यंत वारकरी दिंडी काढून विठू नामाच्या जयघोषामध्ये या अस्थींचे चंद्रभागेच्या पात्रात विसर्जन करण्यात आले. अस्थी विसर्जनासाठी परिसरातील शेतकऱ्यांनी व वारकऱ्यांनी मोठी गर्दी केली होती.

Edited By - Akshay Baisane