जयेश गावंडे

अकोला - अकोला राष्ट्रीय महामार्ग क्रमांक सहा जवळील मराठा हॉटेल वेगवेगळ्या उपक्रमांनी नेहमीच चर्चेत येत आहे. मोदींच्या मन की बात मधून उल्लेख झालेले हे हॉटेल आहे. मागील वर्षी लॉकडाऊनच्या काळात या हॉटेलचे मालक मुरलीधर राऊत यांनी परराज्यात पायी जाणाऱ्याना मोफत पोटभर जेवण देऊन सेवा केली होती.

त्यानंतर अनाथ मुलांचे स्वखर्चाने लग्न लावून सामाजिक बांधिलकी जपली. आता हे हॉटेल पुन्हा नव्याने चर्चेत आले आहे, ते म्हणजे, कोरोना काळात आईवडिलांचे छत्र हरविलेल्या पाल्यांच्या पालनपोषणाची जबाबदारी घेऊन. Humanity of hotel owner, will give a thousand rupees a month to children for 20 years

हे देखील पहा -

लहान मुलांना 20 वर्षांपर्यंत हजार रुपये महिना आणि त्यांच्या शैक्षणिक खर्चाची जबाबदारी मुरलीधर राऊत यांनी उचलली आहे. बाळापूर तालुक्यातील दहा मुलांचे ते आईवडील झाले आहे. त्यांच्या या कार्याची दखल घेऊन त्यांच्या मित्रांनी हा उपक्रम कार्यक्रम रुपात साजरा केला. सन्मानपूर्वक या मुलांना हजार रुपयांचा धनादेश देण्यात आला.

सामाजिक बांधिलकीच्या माध्यमातून मुरलीधर राऊत हे हॉटेलच्या कमाईतून समाजकार्य करण्याचा ध्यास घेऊन जीवन जगत आहेत. त्यांचे हे कार्य प्रेरणादायी ठरत आहे. कोरोनाच्या महामारीत नातेगोते विसरल्यासारखी परिस्थिती निर्माण झाली होती. त्यानंतर मात्र काळ सावरत गेला.

आता तर मदतीचा हात पुन्हा समोर येत आहे. याच मदतीच्या माध्यमातून मुरलीधर राऊत यांनी सामाजिक दायित्व समजून आपलेही समाजाला काही देणे आहे, ही जाण ठेवली. म्हणून ते आई वडील यांचे छत्र हरविलेल्या मुलांच्या मदतीसाठी समोर आले आहेत. त्यांचे हे कार्य प्रेरणादायी आहे.

Edited By : Krushnarav Sathe