शिर्डी - कोट्यवधी भाविकांचे श्रद्धास्थान असलेले शिर्डीतील साईबाबांचे मंदिर (sai baba temple shirdi) गेल्या अनेक महिन्यांपासून बंद आहे. शिर्डीत भाविक येत नसल्याने शिर्डीतील हॉटेल (hotels in shirdi) ओस पडली आहेत. शिर्डीतील अर्थकारण साईबाबांच्या मंदिरावर अवलंबून असतं, तसेच शिर्डीमध्ये प्रमुख व्यवसाय हा हॉटेल व्यवसाय आहे, शिर्डीत दुसरी कोणतीही बाजारपेठ नाही. छोटे मोठे शेकडो हॉटेल रेस्टॉरंट शिर्डी मध्ये आहेत, त्यावर शिर्डीकर आपली उपजीविका भागवत असतात. मात्र गेल्या वर्षी कोरोना महामारीमुळे (corona pandemic)17 मार्चला साईबाबांचे मंदिर बंद झालं आणि आठ महिने साईबाबांचे मंदिर बंद होतं. पुन्हा दुसऱ्यांदा कोरोनाने (corona second wave) डोकं वर काढल्याने गेली चार महिन्यांपासून साई मंदिर बंद आहे. त्यामुळे शेकडो हॉटेलमध्ये काम करणारे हजारो तरुण बेरोजगार (unemployment) झाले आहेत. (hotel business is collapse in shirdi due to corona pandemic)

हे देखील पहा -

गेल्या दीड वर्षांपासून शिर्डीतील अर्थकारण ठप्प झालं आहे. अनेक हॉटेल चालकांनी कर्ज काढलं असून वीज बिल भरता येत नाही. बँकेचं व्याज वाढतंय त्यामुळे राज्य शासनाने काही निर्बंध घालून विशेष नियमावली करून साईमंदिर सुरू करावं अशी मागणी शिर्डीतील हॉटेल व्यावसायिकांसह साईभक्त करत आहे. साई मंदिरासोबत मंदिराशी जोडले जाणारे अर्थकारण महत्त्वाच आहे. राज्य सरकार त्याच दृष्टीने काही पावलं उचलत का हे पाहणं महत्त्वाचं असणार आहे.

Edited By - Akshay Baisane