मनोज जयस्वाल, साम टीव्ही

Washim Accident News: वाशिम जिल्ह्यातून भीषण अपघाताची घटना समोर आली आहे. भरधाव वेगात येणाऱ्या बोलेरो पिकअपने दुचाकीला जोरदार धडक दिली. या अपघातात दुचाकीवरील तीन जणांचा दुर्देवी मृत्यू झाला आहे. अंगावर काटा आणणारी ही घटना वाशिम-रिसोड रोडवरील नागठाणाजवळ सोमवारी दुपारच्या सुमारास घडली. (Latest Marathi News)

अपघाताची (Accident) माहिती मिळताच स्थानिकांसह नागरिकांनी घटनास्थळी धाव घेतली. पोलिसांनी तातडीने घटनास्थळी धाव घेतली. मृत्युमुखी पडलेले तिन्ही व्यक्तींची ओळख पटलेली नसून प्राथामिक माहितीनुसार, मृत येवती गावचे रहिवाशी असल्याचं समजते आहे.

मिळालेल्या माहितीनुसार, येवती (Washim News) गावातील रहिवाशी असलेले तिन्ही युवक हे कामानिमित्त दुचाकीवरून बाहेरगावी निघाले होते. वाशिम-रिसोड रोडवरील ते आले असता समोरून भरधाव वेगात येणाऱ्या बोलेरो पिकअप गाडीने त्यांच्या दुचाकीला जोरदार धडक दिली.

ही धडक इतकी भीषण होती, की दुचाकीने अचानक पेट घेतला. या अपघातात दोन जणांचा घटनास्थळीच मृत्यू झाला. स्थानिकांकडून अपघाताची माहिती मिळताच पोलिसांनी (police) घटनास्थळी धाव घेतली.

गंभीर अवस्थेत असलेल्या एका युवकाला रुग्णालयात उपचारासाठी दाखल करण्यात आले. मात्र, रुग्णालयात जाण्याआधीच त्याचा मृत्यू झाला होता. याप्रकरणी पोलिसांकडून गुन्हा दाखल करण्याची प्रक्रिया सुरू होती.

Edited by - Satish Daud