हिंगोली : बंदी असतानाही नायलॉन मांजाचा सर्रास वापर केला जात आहे. यामुळे काही दुर्घटना देखील घडल्या असून (Hingoli) हिंगोली शहरात देखील नायलॉन मांजामुळे गळा कापला गेल्याची घटना घडली आहे. सुदैवाने तरुणाचा जीव वाचला आहे. (Live Marathi News)

मकर संक्रांतीच्या (Makar Sankranti) पार्श्वभूमीवर पतंग उडविले जातात. यासाठी नायलॉन मांजाचा वापर मोठ्या प्रमाणात केला जात असतो. परंतु मांजामुळे अनेक घटना दरवर्षी घडत असतात. यामुळे काहींचा जीव देखील गेला आहे. यामुळे नायलॉन मांजा (Chinese Manja) वापरण्यावर बंदी घालण्यात आली आहे. तरी देखील चोरून लपून मांजा विक्री व त्याचा वापर केला जात असल्याचे दिसून येत आहे. या मांजामुळे हिंगोलीत एका तरुणाचा जीव जाताजाता वाचला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हिंगोलीत नायलॉन मांज्याने तरुणाच्या गळ्याला गंभीर इजा झाली आहे, ओम उद्धव बांगर असे या तरुणाचे नाव असून, या तरुणावर रुग्णालयात उपचार सुरू आहेत. घटनेनंतर हिंगोली शहरातील सामाजिक संघटनांनी  चायनीज नायलॉन मांजा विक्री करणाऱ्या  विरोधात कडक कार्यवाही करण्याची मागणी करण्यात आली आहे.