हिंगोली : हिंगोलीच्या सेनगाव तालुक्यात पोलीस उपनिरीक्षकाच्या जाचाला कंटाळून एका तरुणाने गळफास घेत आत्महत्या केल्याची धक्कादायक घटना घडली आहे होती. या घटनेप्रकरणी पोलिसांनी केलेल्या तपासनानंतर पोलीस उपनिरीक्षकासह ९ जणांविरोधात गुन्हा दाखल करण्यात आला आहे. 

हिंगोली (Hingoli) जिल्ह्यात तरुणाने आत्महत्या केल्याची धक्कादायक घटना घडली होती. या प्रकरणात प्रेम प्रकरणातून पोलिसांनी तरुणीच्या खोट्या तक्रारीवरून गुन्हा दाखल केला होता. यानंतर या तरुणाला कारागृहात पाठवले असल्याचा आरोप नातेवाईकांनी केला असून आत्महत्येपूर्वी या तरुणाने व्हाट्सअप मेसेजवर सुसाईड नोट लिहीत गळफास घेतला होता. यामध्ये पोलीस (Police) त्रास देत असल्याचे देखील तरुणाने म्हटलं होतं. यावरून पोलिसांनी अधिक तपास केला. 

९ जणांवर गुन्हा दाखल 

हिंगोलीच्या सेनगाव पोलीस स्थानकात संभाजीनगर जिल्ह्यातील फुलंब्री तालुक्यातील वडोद बाजार पोलीस स्टेशनचे पोलीस उपनिरीक्षक संभाजी खाडे यांच्यासह नऊ जणांविरोधात तरुणाला आत्महत्येस प्रवृत्त केल्याप्रकरणी गुन्हा दाखल करण्यात आला आहे. या प्रकरणाचा पोलीस आणखी सखोल तपास करत आहेत.