Buldhana Rain Saam TV
महाराष्ट्र

Buldhana Rain Update : बुलढाण्यात 3 तालुक्यात अतिवृष्टी, एक लाख हेक्टरवरील पिकांचं मोठं नुकसान

Rain Update News : संग्रामपूर शेगाव आणि जळगाव जामोद तालुक्यात अचानक ढगफुटी सदृश पाऊस बरसला.

संजय जाधव, साम टीव्ही

Buldhana News : बुलढाणा जिल्ह्यातील संग्रामपूर शेगाव आणि जळगाव जामोद तालुक्यात काल झालेल्या अतिवृष्टीमुळे एक लाख हेक्टरवरील पिकांचं मोठं नुकसान झालं आहे. परिसरात आज पावसाने विश्रांती घेतली असली तरी अद्यापही अतिवृष्टीचे दहशत या भागातील नागरिकांमध्ये आणि शेतकऱ्यांमध्ये आहे.

काल सकाळी संग्रामपूर शेगाव आणि जळगाव जामोद तालुक्यात अचानक ढगफुटी सदृश पाऊस बरसला. बावणबीर गावातील केदार नदीला महापूर आला होता. यामुळे मात्र अनेक शेतकऱ्यांचे होत्याचं नव्हतं झालं. परिसरातील जवळपास एक लाख हेक्टरवरील पिके एक तर पाण्याखाली आहेत किंवा जमीन खरडून गेली आहे आणि यामुळे मात्र शेतकऱ्यांसमोर एक मोठं संकट उभे राहिलेला आहे.

संग्रामपूर शेगाव आणि जळगाव जामोद तालुक्यातील अनेक हेक्टर वरील पिके सध्या पाण्याखाली आहेत. तर संग्रामपूर शहरातील अनेक घरात पाणी शिरल्याने नागरिकांच्या घरांचे खूप मोठ्या प्रमाणात नुकसान झालेला आहे. थोडक्यात म्हणजे संग्रामपूर जळगाव जामोद आणि शेगाव तालुक्यातील प्रत्येक गावात हे नुकसानीचे दृश्य दिसत आहे. गावात असो किंवा शेतात सगळीकडे काही ना काही प्रमाणात प्रत्येक नागरिकांचे या अतिवृष्टीमुळे नुकसान झालेला आहे. (Breaking Marathi News)

अतिवृष्टीचा फटका सर्वात जास्त संग्रामपूर तालुक्याला बसला असून या तालुक्यात जवळपास 40 हजार हेक्‍टरवरील पिकाचं नुकसान झालेलं आहे. प्रशासनाने या तिन्ही तालुक्यात पंचनामे सुरू केले असून खासदार प्रतापराव जाधव यांनी या परिसराचा आज दौरा केला व नुकसानग्रस्त शेतकऱ्यांना तात्काळ मदत केल्या जाईल असे आश्वासनही त्यांनी दिलं.  (heavy Rain)

बुलढाणा जिल्ह्यात झालेल्या अतिवृष्टीमुळे जवळपास एक लाख हेक्टरवरील पिकांचे नुकसान झाला आहे. तर हजारो घरांची पडझड झालेली आहे. मात्र राज्य शासनाचा एकही प्रतिनिधी या तिन्ही तालुक्यात अतिवृष्टी झाल्यानंतर 24 तासातही पोहोचला नव्हता त्यामुळे नागरिकात रोष आहे. (Tajya Marathi Batmya)

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Instant Modak Recipe : फक्त १० मिनिटांत बनवा गणपतीसाठी मोदक, वाचा स्पेशल रेसिपी

Maratha Andolan: 'फक्त १० रुपयांत मुंबईत मोफत राहा', मराठा आंदोलकांसाठी अनोखी शक्कल; 'तो' मेसेज होतोय व्हायरल

Manoj Jarange Patil Protest Live Updates : मुंबईत पावसाचा जोर वाढला, मराठा बांधव प्लॅटफॉर्मवर

Maharashtra Live News Update: पुण्यात ओबीसी समाजाची महत्त्वाची बैठक, आंदोलनाची दिशा ठरवणार

500 साड्या, 50 किलो दागिने अन् चांदीची भांडी; 'Bigg Boss 19'च्या घरात घेऊन येणारी तान्या मित्तल आहे तरी कोण?

SCROLL FOR NEXT