Sangli News: एसटी कर्मचाऱ्यांनी काही महिन्यापूर्वी आंदोलन पुकारले होते. यावेळी गुणरत्न सदावर्ते यांच्या नेतृत्वाखाली कर्मचाऱ्यांनी शरद पवार यांच्या घरावर मोर्चा काढला होता. यावेळी गुणरत्न सदावर्ते यांच्यावर गुन्हा दाखल करण्यात आला होता. त्यावरून राज्यात जोरदार वादंग माजला होता. त्यानंतर आज गुणरत्न सदावर्ते यांनी पून्हा एकदा शरद पवार यांच्यावर जोरदार टीका केली आहे. (Latest Marathi News)

शरद पवार (Sharad Pawar) वैचारिक व्हायरस आहेत. ते वैचारिक व्हायरस निर्जंतुकीकरण करणार. या व्हायरसचा स्प्रेड होऊ नये म्हणून आम्ही वैचारिक गोष्ट देण्यासाठीची ही आमची सभा वेगवेगळ्या ठिकाणी राज्यात करत आहोत. तसेच अजित पवार (Ajit Pawar) म्हणायचे एसटी कर्मचाऱ्यांचे विलीनीकरन होणार मात्र देवेंद्र फडणवीस (Devendra Fadnavis) किंवा सरकारच्या एकाही मंत्र्यांकडून वर्षभरात अशी वक्तव्ये झाली नाहीत.

त्यामुळे येत्या अधिवेशनात विलिनीकरण निर्णयाची वाट बघा अशा शब्दात एसटी कष्टकरी जनसंघाचे मार्गदर्शक गुणरत्न सदावर्ते यांनी विलिनीकरणाबाबत टीका केली आहे. तसेच एसटी कर्मचाऱ्यांच्या विलिनीकरणाचा लढा आम्ही लढत आहोत. शरद पवारांनी एस्टी कर्मचाऱ्यांमध्ये दुफळी निर्माण केली असा आरोपही सदावर्ते यांनी यावेळी केला. ते सांगलीत बोलत होते.

"हे बदला बदलीचा राजकारण फक्त शरद पवारांच्या डोक्यात असते. पण त्यांनी भाकरीचा अपमान केलेला आहे. त्यांना जे म्हणतात ना स्वार्थ जागा झाला म्हणून अजित पवारांची झोप उडाली आहे. राजकारणासाठी भाकर वापरायची नसते ती या भूमातेतून आलेली आहे", असे देखील ते म्हणाले