- रणजीत माजगावकर

Kolhapur News : धनगर आरक्षणाच्या (Dhangar Reservation) आडवा येणाऱ्या लांडग्यांच्या पाठीत काठी मारा असे आवाहन आमदार गोपीचंद पडळकर (Mla Gopichand Padalkar Latest Marathi News) यांनी धनगर समाजास केले. धनगर आरक्षणात ज्येष्ठ नेते शरद पवार (sharad pawar) यांनी घाेळ घातल्याचा आराेप आमदार पडळकरांनी साम टीव्हीशी बाेलताना केला. (Maharashtra News)

कोल्हापुरातील पट्टणकोडोली येथील बिरदेव मंदिरातून आमदार गोपीचंद पडळकर यांच्या धनगर जागर यात्रेस आज (मंगळवार) प्रारंभ झाला. यावेळी धनगरी ढोलच्या गजरात फुलांचा वर्षाव करत गोपीचंद पडळकर यांच्या जागर यात्रेचे स्वागत करण्यात आले.

या जागर यात्रेला मोठ्या प्रमाणात धनगर समाजातील समाज बांधवांची उपस्थिती हाेती. आमदार पडळकर म्हणाले धनगर समाजाच्या आरक्षणासाठी रस्त्यावरची लढाई सुरू झाली आहे. डिसेंबर महिन्यापर्यंत धनगर आरक्षणाचा निकाल हाती येईल. जर निकाल मागे पुढे झाला तर धनगर समाजातील लोकांनी रस्त्यावर उतरावं असेही आमदार गोपीचंद पडळकरांनी नमूद केेले.

दरम्यान धनगर आरक्षणाच्या (dhangar reservation) आडवा येणाऱ्या लांडग्यांच्या पाठीत काठी मारण्यासाठी आता धनगर समाज सज्ज झालेला आहे. त्यामुळे धनगरांना आरक्षण मिळण्या वाचून कोणी रोखू शकणार नाही असेही आमदार गोपीचंद पडळकर यांनी साम टीव्हीशी बोलताना नमूद केले.

Edited By : Siddharth Latkar