Central Railway, Mumbai special train : रेल्वे प्रवाशांसाठी महत्त्वाची बातमी समोर आली आहे. मध्य रेल्वेने कोकण आणि नागपूरसाठी ४ विशेष साप्ताहिक गाड्या चालवण्याचा निर्णय घेतला आहे. प्रवाशांची वाढती गर्दी आणि मागणी लक्षात घेऊन मुंबई (CSMT) ते करमळी (कोकण) आणि नागपूर दरम्यान या गाड्या धावतील. यामध्ये CSMT-करमळी विशेष ट्रेन (01129) २६ जून रोजी धावली, तर करमळी-CSMT ट्रेन (01130) २८ जून रोजी सुटेल. तसेच, नागपूरसाठी ट्रेन क्र. 01021 आणि 01022 आज २७ जून रोजी दोन्ही दिशांनी धावणार आहेत. या गाड्यांचे बुकिंग IRCTC आणि 'RailOne' ॲपवर उपलब्ध असून, अनारक्षित तिकिटे UTS प्रणालीद्वारे मिळतील. प्रवाशांनी प्रवासाचे नियोजन करण्यापूर्वी वेळेची सविस्तर माहिती घ्यावी, असे आवाहन मध्य रेल्वेने केले आहे.

छत्रपती शिवाजी महाराज टर्मिनस – करमळी – छत्रपती शिवाजी महाराज टर्मिनस विशेष साप्ताहिक गाड्या - (२ सेवा)

गाडी क्र. 01129 विशेष साप्ताहिक गाडी दिनांक २६.०६.२०२६ रोजी छत्रपती शिवाजी महाराज टर्मिनस येथून ००.२० वाजता सुटेल आणि करमळी येथे त्याच दिवशी १४.४० वाजता पोहोचेल.

गाडी क्र. 01130 विशेष साप्ताहिक गाडी दिनांक २८.०६.२०२६ रोजी करमळी येथून १६.३० वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी ०५.२५ वाजता पोहोचेल.

थांबे: दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरावली रोड, संगमेश्वर रोड, रत्नागिरी, आडवली, विलावडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड आणि थिवि.

छत्रपती शिवाजी महाराज टर्मिनस – नागपूर – छत्रपती शिवाजी महाराज टर्मिनस विशेष साप्ताहिक गाड्या - (२ सेवा)

गाडी क्र. 01021 विशेष साप्ताहिक गाडी दिनांक २७.०६.२०२६ रोजी छत्रपती शिवाजी महाराज टर्मिनस येथून ००.३० वाजता सुटेल आणि नागपूर येथे त्याच दिवशी १५.४५ वाजता पोहोचेल.

गाडी क्र. 01022 विशेष साप्ताहिक गाडी दिनांक २७.०६.२०२६ रोजी नागपूर येथून २१.४० वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी १३.५० वाजता पोहोचेल.

थांबे: दादर, ठाणे, कल्याण, नाशिक रोड, मनमाड, जळगाव, भुसावळ, मलकापूर, शेगाव, अकोला, मूर्तिजापूर, बडनेरा, धामणगाव आणि वर्धा.