Anganwadi Sevika Strike: गोंदियात आयटकच्या नेतृत्वात अंगणवाडी व बालवाडी कर्मचाऱ्यांनी त्यांच्या मागण्यांना घेऊन मागील चार दिवसांपासून बेमुदत आंदोलन सुरू केलं आहे. या आंदोलनात जिल्ह्यातील सर्व अंगणवाडीसेविका, मदतनीस सहभागी झाल्या आहेत. त्यामुळे गोंदिया जिल्ह्यातील संपूर्ण १८०५ अंगणवाड्यांना कुलूप लागले आहे. (Latest Anganwadi Sevika Strike News)

मानधनवाढ आणि इतर मागण्या जोपर्यंत पूर्ण होत नाही, तोपर्यंत संप मागे न घेण्याचा इशारा अंगणवाडी कर्मचाऱ्यांनी दिला आहे. दरम्यान, अंगणवाडी कर्मचाऱ्यांचा हा संप किती दिवस चालणार याकडे संर्वांच लक्ष लागलं आहे. ऐनवेळी पोषण आहार बंद झाल्याने गरोदर माता,किशोरवयिन मूलं मूली यांना याचा त्राल सहन करावा लागत आहे.

कामाचा योग्य मोबदला मिळत नसल्याने राज्यभरातील अंगणवाडी सेविकांनी २० फेब्रुवारीपासून संप पुकारला आहे. या आंदोलनात नंदुरबार जिल्ह्यातील अंगणवाडी सेविका देखील सहभागी झाल्या आहेत. बुधवारपर्यंत (ता. 22 फेब्रुवारी) केवळ आहार वाटप करणार असल्याचे सेविकांनी नमूद केले आहे.

पूर्व प्राथमिक शिक्षण, पूरक पोषक आहार, लसीकरण, लोकसंख्या शिक्षण आदींविषयी सेवा देणाऱ्या अंगणवाडी कर्मचाऱ्यांना अल्प मानधन मिळते. गेली ४८ वर्षे सेवा देऊनही त्यांचे मूलभूत प्रश्न प्रलंबितच आहेत. राज्यात सत्तेवर आलेल्या एकनाथ शिंदे सरकारने अंगणवाडी ताईंचे प्रश्न आपण प्राधान्याने सोडवू असे आश्वासन देऊन प्रजासत्ताकदिनाची तारीखही जाहीर केली होती. मात्र, त्यांनी दिलेला शब्द न पाळल्याने हा संप पुकारण्यात आला आहे.आज या संपाचा चौथा दिवस आहे. मात्र अद्यापही त्यांच्या मागण्या मागन्या मान्य झालेल्या नाहीत.