गोंदिया : रस्ता बांधकामाला जाणाऱ्या महिला मजुराच्या ट्रॅक्टरवरुन पडल्याने डोक्याला मार लागल्याने महिलेचा जागीच मृत्यू झाला. सदर घटना (Gondia) गोंदिया जिल्ह्याच्या तिरोडा तालुक्याच्या दवनिवाडा येथे घडली आहे. (Live Marathi News)

पुष्पा रमेश बागड़े (वय ४०) असे मृतक महिलेचे नाव आहे. प्रधानमंत्री ग्राम सड़क योजनेअंतर्गत दवनिवाडा- कारुटोला रस्त्याचे बांधकाम सुरु आहे. आज या (Accident) बांधकामाला १० मजूर ट्रॅक्टरच्या इंजिनवर बसून जात होते. या दरम्‍यान दवनिवाडा येथे भरधाव ट्रॅक्टरवरुन अचानक तोल गेल्याने पुष्पा सरळ डोक्याच्या भारावर रस्त्यावर पडल्या. त्यातच त्यांच्या जागीच मृत्यु झाला.

ट्रॅक्‍टर चालकावर गुन्‍हा

अपघाताची माहिती वाऱ्यासारखी पसरताच एकच गर्दी घटनास्थळी जमा होऊन तनावपूर्ण वातावरण निर्माण झाले होते. मात्र वेळीच पोलिसांनी मध्यस्‍थी करत प्रकरण शांत केले आहे. या प्रकरणी ट्रॅक्टर चालकावर दवनीवाडा पोलिसांनी गुन्हा नोंद केला आहे.