शुभम देशमुख 
गोंदिया : प्राथमिक आरोग्य केंद्रात कार्यरत कनिष्ठ सहाय्यकाच्या थकीत भत्याच्या बिलावर स्वाक्षरी करण्यासाठी प्रभारी वैद्यकीय अधिकाऱ्याने लाच मागितली. लाचेची रक्कम स्वीकारताना वैद्यकीय अधिकाऱ्यास एसीबीने ताब्यात घेतले आहे. हा प्रकार गोंदियाच्या अर्जुनी मोरगाव तालुक्यातील महागाव येथे घडला आहे. 

गोंदिया जिल्ह्यातील अर्जुनी मोरगाव ता;तालुक्यातील महागाव प्राथमिक आरोग्य केंद्रात कार्यरत वैद्यकीय अधिकारी डॉ. अंबर मडावी (वय ४४) यांनी तक्रारकर्ता अर्जुनी मोरगाव तालुक्यातील महागाव येथील प्राथमिक आरोग्य केंद्रात कनिष्ठ सहाय्यक पदावर कार्यरत आहे. तक्रारकर्त्याचे नक्षलभत्ता व अतिरिक्त घरभाडे फरकाचे ६ लाख ७ हजार ३२० रूपयाचे बिल तयार करण्यात आले. बाराभाटी येथील आयुर्वेदिक दवाखान्यात कार्यरत डॉ. अंबर मडावी यांच्याकडे प्राथमिक आरोग्य केंद्र महागाव येथील अतिरिक्त कार्यभार आहे. त्यामुळे तक्रारकर्त्यांच्या बिलावर सही करण्यासाठी डॉ. अंबर यांनी १० टक्के प्रमाणे ६० हजार रूपये लाचेची (Bribe) मागणी केली.

गुन्हा दाखल 

दरम्यान तक्रारकर्त्याला लाच देण्याची इच्छा नसल्याने त्याने (ACB) लाचलुचपत विभाग गोंदियाकडे तक्रार केली. ४८ हजार रूपयाची लाच स्वाकारण्याची तयारी दर्शविली होती. मात्र तक्रारीची शहानिशा करून लाचलुचपत विभागाने डॉ. अंबर मडावी याला ताब्यात घेवून अर्जुनी मोरगाव पोलिस ठाण्यात लाचलुचपत कायद्यान्वये नुसार गुन्हा करण्यात आला आहे.